ព្រះសីហនុ: រថភ្លើង២គ្រឿង បានបុកគ្នា កាលពីវេលាម៉ោង៩ព្រឹកថ្ងៃទី៧ ខែមករា ឆ្នាំ២០១៧ នៅលើផ្លូវដែក ស្ថិតក្នុងភូមិបឹងវែង ឃុំវាលរេញ ស្រុកព្រៃនប់ ក្រុងព្រះសីហនុ។
តាមសេចក្តីរាយការណ៍បានឲ្យដឹងថា ដំបូងរថភ្លើងមួយខ្សែធ្វើដំណើរទិសដៅពីក្រុងព្រះសីហនុទៅភ្នំពេញ បើកបរដោយឈ្មោះ យូ គឹមសាន ភេទប្រុស អាយុ៥០ឆ្នាំ មានទីលំនៅឃុំប្រទះឡាង ខណ្ឌដង្កោ រាជធានីភ្នំពេញលុះមកដល់ចំណុចកើតហេតុបានបុកគូថរថភ្លើងមួយខ្សែទៀត ដែលកំពុងចតស្ងៀម បណ្តាលឲ្យស្រ្តីម្នាក់ឈ្មោះ សៅ សុផល អាយុ៣៨ឆ្នាំ មុខរបរបុគ្គលិកក្រុមហ៊ុនរ៉ូយ៉ាល់ មានទីលំនៅស្រុកត្រាំកក់ខេត្តតាកែវ រងរបួសស្រាល។
បច្ចុប្បន្នក្រុងបច្ចេកទេសក្រុមហ៊ុនរថយន្តភ្លើង កំពុងរៀបចំធ្វើការជួសជុល៕
មតិយោបល់