កំពង់ចាម: បើតាមសេចក្ដីជូនដំណឹងមុននេះបន្តិច អគ្គិសនីកំពង់ចាម សាខាពញាក្រែក នឹងផ្អាកការផ្គត់ផ្គង់ចរន្តនៅតំបន់ភ្លើងមួយចំនួន ដើម្បីឲ្យក្រុមហ៊ុន EPS អូសខ្សែបណ្ដាញតង់ស្យង់មធ្យម២២គីឡូវ៉ុល នៅចំណុចភូមិអណ្ដូងជ័យ ឃុំក្រែក ស្រុកពញាក្រែក ខេត្តត្បូងឃ្មុំ។

សេចក្ដីជូនដំណឹងបន្តថា ការផ្ដាច់ភ្លើងនេះ នឹងធ្វើឡើងនៅថ្ងៃសៅរ៍ ទី១៤ ខែមករា ឆ្នាំ២០១៧ ចាប់ពីម៉ោង៧៖០០នាទីព្រឹក រហូតដល់ម៉ោង១២៖០០នាទីថ្ងៃត្រង់ ចាប់ពីទ្វារចន្តប៉ុស្ដិ៍ ០០៤ (ភូមិជើងមាន់) ដល់ប៉ុស្ដិ៍ ០១៨ (ភូមិទួលអង្ក្រង) ប៉ុស្ដិ៍ ០០៥ ដល់ប៉ុស្ដិ៍ ០០៧ (ក្រុមហ៊ុនចម្ការកៅស៊ូក្រែក) និងប៉ុស្ដិ៍ ០៦៤ (ព្រំប្រទល់ស្រុកពញាក្រែក ស្រុកមេមត់ ខេត្តត្បូងឃ្មុំ)។

បញ្ជាក់ ៖ អគ្គិសនីកំពង់ចាម សាខាពញាក្រែក នឹងភ្ជាប់ចរន្តអគ្គិសនីជូនប្រើប្រាស់ឡើងវិញ ទៅតាមការជាក់ស្ដែងនៅពេលការងារបញ្ចប់៕