ព័ត៌មានជាតិ

បាក់ច្រាំងទន្លេបាសាក់ ខូចខាតផ្ទះចំនួន៩ខ្នងជាប់ៗគ្នានៅខេត្តកណ្តាល!

កណ្តាល: លោក សេង សុជាតិ អធិការស្រុកស្អាង បានប្រាប់Post Newsថា មានហេតុការណ៍ភ្ញាក់ផ្អើលមួយបានកើតឡើង បន្ទាប់ពីមានការរអិលបាក់ច្រាំងទន្លេបាសាក់ បណ្តាលឲ្យផ្ទះប្រជាពលរដ្ឋចំនួន៩ខ្នងជាប់គ្នា រងការខូចខាត ។

ហេតុការណ៍នេះបានកើតឡើងកាលពីវេលាម៉ោង ៣និង១៥នាទី រសៀលថ្ងៃទី២៥ ខែមីនា ឆ្នាំ២០១៧ ស្ថិតនៅចំណុច ភូមិកោះគរ ឃុំរកាខ្ពស់ ស្រុកស្អាង ខេត្តកណណ្តាល។

សមត្ថកិច្ចនិងអាជ្ញាធរមូលដ្ឋាន ដែលមានវត្តមានចុះទៅអន្តរាគមន៍នៅទីនោះ បានប្រាប់ភ្នាក់ងារ Post News ប្រចាំខេត្តកណ្តាលថា ហេតុការណ៍រអិលច្រាំងទន្លេបាសាក់នេះ បានបណ្តាលឲ្យបាក់ដល់ផ្ទះប្រជាពលរដ្ឋខូចខាតចំនួន៩គ្រួសារ ក្នុងនោះមាន៤គ្រួសារ មានការខូចខាត និង៥គ្រួសារទៀតនៅជាប់ៗគ្នា អាចនឹងរងការបាក់ដល់ដូចគ្នា ហើយពេលនេះ ពួកគាត់ទាំង៩គ្រួសារ បាននិងកំពង់រុះរើអីវ៉ាន់ចេញបណ្តើរហើយ ព្រោះដីនៅចំណុចនោះបាននិងបន្តបាក់។

ក្នុងនោះដែរ មានពលរដ្ឋខ្លះលើកឡើងថា ការបាក់ដីច្រាំងទន្លេធ្វើឲ្យខូចខាតផ្ទះនេះគឺបណ្តាលមកពី មានការណូត បូមខ្សាច់មកបូមនៅទីនេះ៕

មតិយោបល់