ខេត្តកែប៖ ក្រោយការត្រួតពិនិត្យដោយមជ្ឈមណ្ឌលមន្ទីរពិសោធន៍ឧស្សាហកម្មកម្ពុជា ទឹកសមុទ្រនៅខេត្តកែប ថ្ងៃទី៥ ខែមេសាឆ្នាំ២០១៦ លទ្ធផលបណ្តោះអាសន្នបានបង្ហាញថា ដោយស្ថានភាព អាកាសធាតុក្តៅខ្លាំង ទើបបណ្តាលឲ្យស្លែសមុទ្រឡើងត្រាំ ទើបធ្វើឲ្យទឹកសមុទ្រឡើងពណ៌បៃតង ហើយស្រូបយកអុកសុីសែ ននិងបញ្ចេញសារធាតុអាម៉ូញ៉ាក់ក្នុងទឹកសមុទ្រដែលអាចធ្វើឲ្យត្រីនៅក្នុងបរិវេណនោះងាប់បាន។ សូមបញ្ជាក់ថា កាលម៉ោង៥ ល្ងាចថ្ងៃទី២ ខែមេសាស្ថានភាពទឹកសមុទ្រនៅខេត្តកែប បានវិលត្រឡប់មករកសភាពធម្មតាវិញហើយ ដោយទឹកសមុទ្រមានអុកសុីសែនធម្មតាឡើងវិញ ចាប់ពីផ្សារក្តាម រហូតដល់ចម្លាក់ក្តាម លើកលែងតែនៅម្តុំកំពង់ផែ ទើបតែចាប់ផ្តើមមានវត្តមានអុកសុីសែន៕