តាកែវៈ មន្រ្តីកាំកុងត្រួលខេត្តតាកែវ ដឹកនាំដោយលោក ប៉ោ លាងគង់ សហការជាមួយមន្ទីរពាណិជ្ជកម្មខេត្ត និងសមត្ថកិច្ចបានដឹកនាំកម្លាំងចម្រុះចុះត្រួតពិនិត្យស្រាវជ្រាវ និងសោធន៍រកសាធាតុគីមីនៅលើចំណីអាហារ ដែលការចុះពិនិត្យនិងបង្ក្រាបនេះ បានធ្វើឡើងកាលពីថ្ងៃទី១៤ ខែមិថុន ឆ្នាំ២០១៧។

ជាលទ្ធផល សមត្ថកិច្ចជំនាញបានស្រាវជ្រាវរកឃើញសារធាតុគីមីប៉ូរ៉ាក់ លើសសៃគុយទាវបាញ់កាញ់ជិត៥០គីឡូក្រាម នឹងដកហូតគ្រឿងកំប៉ុងដែលហួសកាលបរិច្ឆេទប្រើប្រាស់២៩កំប៉ុង ដកហូតសារធាតុគីមី ប៉ូរ៉ាក់១៦គីឡូក្រាម ។

ការដកហូតទំនិញខាងលើនេះ ធ្វើឡើងនៅផ្សារអង្គតាសោម ស្រុកត្រាំកក់ ខេត្តតាកែវ ព្រមទាំងបានដុតបំផ្លាញចោលទំនិញទាំងនេះតាមនីតិវិធីច្បាប់ផងដែរ ៕