ភ្នំពេញ: បើតាមសមត្ថកិច្ច នៅវេលាម៉ោង ១២និង០០នាទីយប់ថ្ងៃទី ១៧ខែ មិថុនា បានឲ្យដឹងថា ជនជាតិចិនម្នាក់ ស្រវឹងបើកឡានយ៉ាងលឿន ទៅបុករបាំងថ្មចែកទ្រូងផ្លូវបាក់អស់មួយកង់ ដែលនៅក្នុងគ្រោះថ្នាក់នេះ មិនបណ្ដាល់ឲ្យមាននរណាម្នាក់រងរបួសនោះទេ។

ហេតុការណ៍នេះ បានកើទ្បើងនៅស្តបសន្ធរមុខ ស្ថិតនៅក្នុងសង្កាត់ផ្សារដេប៉ូ ២ ខណ្ឌទួលគោក រាជធានីភ្នំពេញ ។

រថយន្តបង្កមានម៉ាក កាមរីបាឡែន ស្លាកលេខ ភ្នំពេញ 2 AJ .7921 ពណ៌ ទឹកប្រាក់ បើកតាមបណ្តោយផ្លូវកម្ពុជាក្រោម ពីកើតទៅលិចយ៉ាងលឿន លុះមកដល់ស្តុបសន្ធរមុខ បានបុករបាំងថ្មក្បាលនាគ ចែកទ្រូងផ្លូវបណ្តាលឲ្យខូចរថយន្តដាច់កង់ចំហៀងខាងស្តាំ ១ យ៉ាងធ្ងន់ធ្ងរ ចំណែករបាំងថ្មក្បាលនាគបាក់អស់ មួយកង់ ។

ករណីគ្រោះថ្នាក់ចរាចរណ៍ខាងលើ ត្រូវបានសមត្ថកិច្ច មូលដ្ឋានសហការកម្លាំងនគរបាលជំនាញមកធ្វើការវាស់វែង យកទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញ ដើម្បីរងចាំការដោះស្រាយនៅពេលក្រោយ ៕