ព័ត៌មានជាតិ

ប្រជាសហគមន៍ ជនជាតិដើមភាគតិចព្នង ទាមទារឲ្យអភិបាលខេត្តពន្លឿនដោះស្រាយវិវាទដីធ្លី

មណ្ឌលគិរី: សហគមន៍ ជនជាតិដើមភាគតិចព្នងមកពីភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី ប្រមាណជា ជឹត១០០ នាក់ បាននាំគ្នាមកប្រមូលផ្តុំគ្នានៅមុខសាលាខេត្តមណ្ឌលគិរី ដើម្បីទាមទារឲ្យអភិបាលខេត្តពន្លឿនការដោះស្រាយវិវាទដីធ្លីដ៏រាំរ៉ៃ រវាងសហគមន៍ជនជាតិដើមភាគតិចព្នងភូមិចក់ចារ និងក្រុមហ៊ុន ប៊ិញហ្វឿក (វៀតណាម)។

ការទាមទារតវ៉ានេះ ចាប់តាំងពីពេលព្រឹករហូតមកដល់ម៉ោង ៧:៣០ នាទីយប់ទើបមាន នាយករងខុទ្ទការល័យសាលាខេត្តម្នាក់ចេញមកជួបប្រជាពលរដ្ឋ ដោយអះអាងថា ខ្លួនមកនេះ គឺជួសមុខឲ្យអភិបាលខេត្ត ហើយសន្យាជាមួយប្រជាសហគមន៍ថា ក្រុមការងារខេត្តនឹងចុះទៅដោះស្រាយជាមួយសហគមន៍នៅថ្ងៃទី២ ខែមិថុនា ឆ្នាំ២០១៦ នៅសាលាស្រុកកែវសីមា ខាងមុខនេះ។

ចំណែកឯ សហគមន៍បានអះអាងថា ឯកសារដែលពួកគាត់រៀបចំទុកជូនឯកឧត្តមអភិបាលខេត្ត ត្រូវបានលោកអភិបាលរងស្រុកកែវសីមាម្នាក់កញ្ឈក់យកពីដៃប្រជាសហគមន៍ទាំងកម្រោល ធ្វើឲ្យពួកគាត់អស់សង្ឈឹមជាខ្លាំងចំពោះទង្វើបែបនេះ។

ប្រជាសហគមបញ្ជាក់ថា មនុស្សម្នាក់ដែល​គេស្គាល់ថា មាន អៀន មិនដឹងនាមក្រកូលអីទេគ្រាន់តែដឹងថា មានតួនាទីជាអភិបាលរងស្រុកកែវសីមា
ហេតុនេះប្រជាសហគមសូមអំពាវនាវដល់អ្នកសារព័ត៌មានជាតិ និងអន្តរជាតិ អង្គការ សមាគមមិនមែនរដ្ឋាភិបាលជាតិ និងអន្តរជាតិ មេត្តាចូលរួមតាមដានព្រឹត្តការណ៍នេះឲ្យបានគ្រប់ៗគ្នាតាមគោលការណ៍រៀងៗខ្លួនផង៕

photo_2016-05-31_08-05-58

photo_2016-05-31_08-05-58 (2)

photo_2016-05-31_08-05-57

photo_2016-05-31_08-05-56

photo_2016-05-31_08-05-55

photo_2016-05-31_08-05-54

photo_2016-05-31_08-05-53

មតិយោបល់