កូរ៉េខាងត្បូង: យោងតាមទីភ្នាក់ងារយ៉ុនហាប់បានរាយការណ៍នៅព្រឹកថ្ងៃអង្គារ៍ ទី៣១ ឧសភានេះ បានឲ្យដឹងថា សាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង) នៅអង្គារ៍នេះបានបាញ់គ្រប់ដែលត្រូវបានគេជឿថា ជាមីស៊ីលឆ្លងទ្វីប Musudan រយ:ចម្ងាយមធ្យម ប៉ុន្តែការបាញ់ខាងលើនេះ វាបានបង្ហាញពីភាពបរាជ័យរបស់ខ្លួនទៅវិញ។

កាលពីថ្ងៃច័ន្ទទី៣០ ឧសភាម្សិលមិញនេះ យោធារបស់កូរ៉េខាងត្បូងបានឱ្យដឹងថា ខ្លួនបានតាមដានការបាញ់បង្ហោះមីស៊ីលផ្លោងរបស់សាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង) បន្ទាប់ពីរបាយការណ៍ទូរទស្សន៍ជប៉ុន បានចេញផ្សាយពីកូរ៉េខាងជើងអាចមានលទ្ធភាពបាញ់បង្ហោះមីស៊ីលបានគ្រប់ពេលក្នុងរយ:ចម្ងាយឆ្ងាយគឺអាចឆ្លងទ្វីបបាន៕