កណ្តាលៈ នៅព្រឹកថ្ងៃទី៣១ ខែសីហា ឆ្នាំ២០១៧ លោក ទិន សុចិត្រា ព្រះរាជអាជ្ញាររងអមសាលាដំបូងខេត្តកណ្តាល បានសម្រេចធ្វើការចោទប្រកាន់ជនជាតិចិននោះហើយក្រោមបទចោទប្រកាន់« បង្កើតប្រព័ន្ធបច្ចេកវិទ្យាគមនាគមន៍ និងព័ត៌មានដែលដំណើរការជាមួយបណ្តាញទូរគមនាគមន៍សម្រាប់ប្រើប្រាស់ក្នុងគោលបំណងគេចវេសពីការទូទាត់ប្រាក់ និងកេងចំណេញលើបរិមាណនៃការផ្តល់សេវាទូរគមនាគមន៍ » តាមបញ្ញត្តិមាត្រា ៨៥ នៃច្បាប់ស្តីពីទូរគមនាគមន៍។

បទល្មើសនេះត្រូវផ្តន្ទាទោសដាក់ពន្ធនាគារពី១ឆ្នាំទៅ៥ឆ្នាំ និងពិនយ័ជាប្រាក់២លានរៀល ទៅ១០លានរៀលរៀល។

លោកទិន សុចិត្រា ព្រះរាជអាជ្ញាររងបានបញ្ជាក់ថា សំណុំរឿងបានបញ្ជូនទៅលោកចៅក្រមស៊ើបសួរសម្រេចចេញដីការឃុំខ្លូនបណ្តោះអាសន្នហើយ។

ប្រពឹ្រត្តនៅចំណុចសណ្ឋាគារ ត្រានីកា ស្ថិតក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល កាលពីថ្ងៃទី២៨ ខែសីហា ឆ្នាំ២០១៧ តាមបញ្ញត្តិមាត្រា ៨៥ នៃច្បាប់ស្តីពីទូរគមនាគមន៍។

សូមរំលឹកថា ហេតុការណ៍ចុះប្រតិបត្តិការណ៍ឆែកឆេរ និងធ្វើការឃាត់ខ្លួន កាលពីវេលាម៉ោង៧ថ្ងៃទី២៩ ខែសីហា ឆ្នាំ២០១៧នៅចំណុច បន្ទប់លេខ៣០៦ ជាន់ទី៣ សណ្ឋាគារត្រានីកា ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។

បើតាមនគរបាលកម្រិតធ្ងន់នៃស្នងការដ្ឋាននគរបាលខេត្តកណ្តាលបានឲ្យដឹងថា ជនសង្ស័យមានឈ្មោះ ZHU CHULE ភេទប្រុស​ អាយុ៣១ឆ្នាំ​​ ជនជាតិ ចិន ​មានទីលំនៅ៖ FUJIAN ប្រទេសចិន ។កាន់លិខិតឆ្លងដែនលេខ ៖G 51567813។

វត្ថុតាងចាប់យក៖ ឧបករណ៍បន្ទះស្តើង ពណ៌ខៀវ ០៤ ក្នុង០១បន្ទះ មានអង់តែន ពណ៌ខ្មៅចំនួន ០៨ដើម ,ឧបករណ៍មានភ្លើង ពណ៌បៃតង ទទួលខ្សែ ពីបន្ទះស្តើង ទាំង០៨ ចំនួន០១ ,ឧបករណ៍ ពណ៌ ស ម៉ាក King tel មានភ្លើងតូច ០៥គ្រាប់ ចំនួន ០១ ,វ៉ាលីស ពណ៌ខៀវក្រម៉ៅ មានដៃអូស ចំនួន ០១ ,ម៉ូតូ ០១គ្រឿង ម៉ាក គ្លីក ពណ៌ក្រហម
ស្លាកលេខ ភ្នំពេញ 1R-2104 ។

នគរបាលកម្រិតធ្ងន់នៃស្នងការដ្ឋាននគរបាលខេត្តកណ្តាលបានបញ្ជាក់ថា: តាមការបំភ្លឺ របស់មេការសណ្ឋាគារ បានបំភ្លឺថា ជនជាតិចិនខាង​លើ​បាន​ជិះ​ម៉ូតូ ម៉ាក គ្លីក ពណ៌ឈាមជ្រូក មកជួលសណ្ឋាគារត្រានីកា បន្ទប់លេខ
៣០៦ កាលពីថ្ងៃទី២៧ ខែសីហា ឆ្នាំ​២០១៧វេលាម៉ោង១១និង៣០នាទី។ លុះដល់ម៉ោង៤និង១៧នាទីល្ងាច ជន
សង្ស័យខាងលើ បានចាក​ចេញដោយ​មធ្យោបាយ​ដដែល ហើយមិនបានត្រឡប់មកវិញឡើយ។ ដោយបានទទួលព័ត៌មាននេះភ្លាម កម្លាំងជំនាញដឹកនាំ​ដោយ​លោក​អធិការនគរបាលក្រុងតាខ្មៅ បានចុះធ្វើកិច្ចការស្រាវជ្រាវបន្ត តាមឃ្លាំមើល ជាមួយ មេការ​សណ្ឋាគារ​​ត្រានីកា។ នៅថ្ងៃទី២៨ សីហា ២០១៧ វេលាម៉ោង៧ បានវិលត្រឡប់ចូលមក ដល់សណ្ឋាគារ វិញ សមត្ថកិច្ច បានធ្វើការឃាត់ខ្លួនជនសង្ស័យ និងឆែកឆេរបន្ទប់ ចាប់យកវត្ថុតាង ​ឧបករណ៍ពាក់ព័ន្ធ ដោយមានការ ដឹកនាំ និងកិច្ចសម្របសម្រួលដោយលោក ព្រះរាជអាជារង ទិន សុចិត្រា បានការចូលរួមសហការ របស់សណ្ឋាគារត្រានីកា៕