ក្រោយពីការស៊ុតបាល់ ២គ្រាប់យ៉ាងអស្ចារ្យឲ្យក្រុម Real Madrid ក្នុងការប្រកួតជាមួយក្រុម Valencia កាលពីពេលថ្មីៗកន្លងមកនេះ ខ្សែបម្រើប្រយុទ្ធវ័យក្មេង Marco Asensio ត្រូវបានគេជឿជាក់ថា អាចប្រដូចទៅនឹងកំពូលខ្សែប្រយុទ្ធឆ្នើម Cristiano Ronaldo ។

ជាក់ស្តែងណាស់ ការស៊ុតបាល់កោងពីលើរង្វង់គ្រោះថ្នាក់ រួមនឹងការស៊ុតបាល់ Free Kick ដាច់ចង្កេះអ្នកចាំទីក្រុម Valencia កាន់តែធ្វើឲ្យអ្នកគាំទ្រ Real Madrid ទាំងអស់ មានការស្ងើចសរសើរដល់ កីឡាករវ័យក្មេងរូបនេះយ៉ាងខ្លាំង។ តាំងពីប្រកួតមិត្តភាពមុនបើករដូវកាល រហូតមកទល់នឹងពេលនេះ Marco Asensio កាន់តែបង្ហាញនូវសមត្ថភាពយ៉ាងល្អ ឲ្យក្រុម Real Madrid នឹងតែងតែរកគ្រាប់បាល់សឹងគ្រប់ការប្រកួតឲ្យក្រុមយក្សអេស្ប៉ាញមួយនេះផងដែរ។ អ្វីដែលគួរឲ្យចាប់អារម្មណ៍បំផុតនោះ គឺគ្រាប់បាល់ ៤គ្រាប់ចុងក្រោយ ដែល Asensio ស៊ុតចូលសុទ្ធសឹងជាបាល់ ស៊ុតពីចម្ងាយប្រកបទៅដោយបច្ចេកទេសខ្ពស់បំផុត ខណៈ ២គ្រាប់ស៊ុត Barcelona ក្នុងជំនួប Spanish Super Cup ទាំង២ជើង និង២គ្រាប់ទៀត ស៊ុតក្រុម Valencia ។

តាមរយៈគ្រាប់ស៊ុតពីចម្ងាយយ៉ាងល្អ ៤គ្រាប់ចុងក្រោយនេះ បង្ហាញឲ្យឃើញថា ទេពកោសល្យរបស់ Asensio មិនចាញ់សិស្សច្បងរួមក្រុម Cristiano Ronaldo ឡើយ។ ម្យ៉ាងវិញទៀតនោះ ស្របពេលដែល Ronaldo កាន់តែមានអាយុជ្រេទៅហើយនោះ ត្រូវបានគេមើលឃើញថា Marco Asensio នឹងដើរតួជំនួស Ronaldo ក្នុងពេលខាងមុខនេះ។ បន្ថែមលើនេះ លោក Zidane កំពុងតែផ្តល់ឱកាសឲ្យកីឡាករវ័យក្មេងអេស្ប៉ាញរូបនេះយ៉ាងខ្លាំង ដោយតែងតែ ឲ្យ Asensio ចូលលេងគ្រប់ការប្រកួត មិនថាជាប់ជម្រើសដំបូង ឬប្តូរចូលក្នុងនាមជាកីឡាករបម្រុងឡើយ។

ដូច្នេះហើយ Marco Asensio អាចនឹងក្លាយជា Cristiano Ronaldo ថ្មីរបស់ក្រុម Real Madrid ក្នុងពេលឆាប់ៗនេះជាក់ជាមិនខាន ខណៈ​Real Madrid បសនតំឡើងតម្លៃ Release Clause របស់កីឡាកររូបនេះ គុណទ្វេរជា២ ពី ២៥០លានអឺរ៉ូ កើនដល់ ៥០០លានអឺរ៉ូ។

https://www.youtube.com/watch?v=XCOQyUP_U74