ភ្នំពេញៈ នារីដ៏ស្រស់ស្អាតម្នាក់ ត្រូវជនសង្ស័យម្នាក់ជិះម៉ូតូមកឆក់កាបូបស្ពាយបានសម្រេច ខណដែលកំពុងចតរថយន្តបើកទ្វារបម្រុងចូលហាងលក់ចាបហ៊ួយទិញសម្ភារៈ។

ហេតុការណ៍នេះបានកើតឡើងកាលពីវេលាម៉ោង៨យប់ ថ្ងៃទី១៥ ខែកញ្ញា ឆ្នាំ២០១៧ ស្ថិតនៅផ្លូវលេខ២៥៧ ខាងក្រោយសាកលវិទ្យាល័យអាស៊ីអឺរ៉ុប ក្នុងសង្កាត់ទឹកល្អក់៣ ខណ្ឌទួលគោក។

បើយោងតាមសម្តីនារីរងគ្រោះខាងលើបានអោយដឹងថា មុនពេលកើតហេតុ រូបនាងបានជិះរថយន្តមួយគ្រឿងម៉ាក កាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ2Q-7618 បើកបរតែម្នាក់ឯងពីកើតទៅលិចគោលបំណងមកទិញសម្ភារៈ លុះដល់ចំណុចកើតហេតុនារីស្រស់ស្អាតខាងលើបានឈប់រថយន្តបើកទ្វារចុះពីលើរថយន្តក៏លេចមុខជនសង្ស័យម្នាក់ជិះម៉ូតូមួយគ្រឿងបានធ្វើសកម្មភាពឆក់កាបូបបានសម្រេច ហើយជិះម៉ូតូគេចខ្លួនដោយសុវត្ថិភាព។

ក្រោយពេលកើតហេតុ នារីរងគ្រោះខាងលើបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលទឹកល្អក់២ឲ្យជួយអន្តរាគមន៍ប៉ុណ្ណោះ៕

https://youtu.be/boeHQbFVy5o