កំពង់ឆ្នាំង: ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ក្រោយធ្វើសកម្មភាព ប្រអំពើហិង្សាក្នុងគ្រួសារ។
ហេតុការណ៍កើតឡើងនៅវេលាម៉ោង ១និង៤៥នាទីរសៀល ថ្ងៃទី៣ ខែវិច្ឆិកា ឆ្នាំ២០១៧ នៅភូមិប្រឡាយ មាស ឃុំប្រឡាយមាស ស្រុកកំពង់លែង ខេត្តកពង់ឆ្នាំង។

សមត្ថកិច្ចបានឲ្យដឹងថា ជនសង្ស័យមានឈ្មោះ យ៉ុង តាំង ភេទប្រុស អាយុ៣០ឆ្នាំ បានយកពូថៅ ទៅកាប់ ប្រពន្ធរបស់ខ្លួន ឈ្មោះ កន ឡាយ អាយុ៣៨ឆ្នាំ និងកូនស្រីឈ្មោះ ឡុន ស្រីម៉ី អាយុ១២ឆ្នាំ បណ្តាលឲ្យរងរបួសធ្ងន់ទាំង២នាក់។

មូលហេតុ ដោយសារមានទំនាស់ពាក្យសម្តី ខណ:ដែលជនសង្ស័យស្រវឹងស្រា។
បច្ចុប្បន្នជនសង្ស័យ ត្រូវបានសមត្ថកិច្ចឃាត់ខ្លួន យកមកកសាងសំណុំរឿងចាត់ការតាមនីតិវិធីច្បាប់៕