ព័ត៌មានជាតិ

កម្មកររោងចក្រតៃណាន២នាក់ ​លួចខោអាវ​១១០៤ ឃាត់ខ្លួនបានម្នាក់!

កណ្តាល: កាលពីថ្ងៃទី២៥ ខែមករា ឆ្នាំ២០១៧ វេលាម៉ោង​៧និង២៥នាទីព្រឹក មានករណី​ឃាត់ខ្លួនជនសង្ស័យម្នាក់ ពីបទលួចខោរអាវក្នុងរោងចក្រតៃណាន​ ស្ថិតក្នុងភូមិត្រពាំងក្រសាំង ឃុំបែកចាន ស្រុកអង្គស្នួល ខេត្តកណ្តាល។

ជនរងគ្រោះ​ឈ្មោះអ៊ឹង អ៊ុយទាន់ ភេទប្រុស អាយុ៣៧ឆ្នាំ ជនជាតិខ្មែរ មុខរបរប្រធានរដ្ឋបាលរោងចក្រ ស្នាក់នៅភូមិ​៣ សង្កាត់បឹងព្រលឹត ខណ្ឌ៧មករា រាជធានីភ្នំពេញ​ ជាតំណាងរោងចក្រ។ ចំណែក​ជនសង្ស័យ​ទី១ឈ្មោះ អន ស៊ីថន ភេទប្រុស អាយុ៣២ឆ្នាំ មុខរបរកម្មកររោងចក្រតៃណាន (ផ្នែកវេចខ្ចប់ )មានទីលំនៅ​ភូមិព្រៃទន្លាប់ ឃុំបែកចាន ស្រុកអង្គស្នួល ខេត្តកណ្តាល ​និងទី២ ឈ្មោះ ភក្តី ភេទប្រុស អាយុប្រហែល៣៧ឆ្នាំ មិនស្គាល់អាស័យដ្នានពិតទេ (គេចខ្លួន)។

វត្ថុតាងដែលចាប់យកបាន​ រួមមាន ខោខាវប៊យចំនួន​៥ ខោរជើងខ្លីចំនួន​១ និងជើងវែងចំនួន​៤​ ចំណែកសម្ភារ:បាត់បង់ ខោអាវចំនួន៦៦កេះ ស្មើនិង១១០៤ខោនិងអាវ។

​នៅមុនពេលកើតហេតុ នាថ្ងៃទី១៣ ខែមករា ២០១៨ វេលាម៉ោង៥
ល្ងាច ខោអាវដែលរៀបចំហើយដាក់ក្នុងកាតុងរួចស្រេច ទើបទុកក្នុងឃ្លាំង​ទាំងអស់ លុះមកដល់ថ្ងៃទី២៥ ខែមករា ឆ្នាំ២០១៨ វេលាម៉ោង៧និង២៥នាទី ទើបដឹងថាបាត់ខោអាវដែលទុកនៅ្នក្នុងឃ្លាំងនោះ បាត់អស់ចំនួន៦៦កាតុង ស្មើនិង១១០៤ខោអាវ។
សូមបញ្ជាក់ថា ក្នុង១ឃ្លាំងមាន​​​សោ២ជាន់ បន្ទប់តូចដែលជាក់កាតុង ខ្មែរកាន់សោរមាន​២នាក់គឺឈ្មោះ គួន សុវណ្ណ ភេទប្រុស និងឈ្មោះ លី ឡាំ ភេទប្រុស ​ហើយ​សោរ​ទ្វារក្រៅ​ ជនជាតិចិនជាអ្នកនាក់កាន់សោរមានគ្នាចំនួន​៩នាក់​ ​ជាជនជាតិចិនដីគោក ជានាក់កាន់សោអាគារទាំងមូល។

ហើយបើមិនបើកសោរអាគារ ក៏មិនអាចយកអាវខោនោះចេញបានដែរ ចំពោះការលួចនោះពុំមានស្នាមគាស់ឬ របើកសោរកន្លែងណាឡើយ។លុះដល់ថ្ងៃទី២៣ ខែមករា ឆ្នាំ២០១៨ វេលាម៉ោង១៦និង៣០នាទីរសៀល សន្តិសុខដែលយាមប្រចាំការ នៅក្នុងរោងចក្រកើតហេតុ បាននាំខ្លួនឈ្មោះអន​ស៊ីថន ​ មកប្រគល់ឲ្យសមត្ថកិច្ចនគរបាលស្រុកអង្គស្នួល ដោយផ្អែកលើការឆែកឃើញលេខទូរសព្ទ័របស់ឈ្មោះអន​ស៊ីថន តេទៅលេខទូរសព្ទ័០៩៦៧៣០៧៧៦៨ នៅថ្ងៃទី២១ ខែមករា ឆ្នាំ២០១៨ វេលាម៉ោង៨​និង២៨នាទីយប់ ដោយឈ្មោះអន ស៊ីថន ប្រាប់ឲ្យឈ្មោះ ភក្តីយកខោរលាក់ទុកសិន ព្រោះប៉ូលិសកំពុងតាមខ្លាំងណាស់។

តាមចម្លើយសារភាពរបស់ជនសង្ស័យ អនស៊ីថន បានឆ្លើយថាខ្លួនមិនបានលួចខោក្នុងកាតុងនោះទេ គឺលួចតែ​ខោរក្រៅកាតុងក្នុងខែមករា ឆ្នាំ២០១៨នេះ លួចបាន១៦ខោរ និងសរុបតាំងពីមុនមកខ្លួនបានលួចយកខោរ បានប្រហែល៤០ខោរប៉ុណ្ណោះ​។ បច្ចុប្បន្នជនសង្សយ័ឃាត់ខ្លួន នៅអធិការដ្ឋានដើម្បីបន្តនិតិវិធីតាមផ្លូវច្បាប់៕

មតិយោបល់