ព័ត៌មានជាតិ

អាណិត! ត្រូវពូរំលោភហើយ នៅត្រូវប្តីស្តីបន្ទោសទៀត ផឹកថ្នាំពុលដើម្បីបញ្ចប់ជីវិត តែចុងក្រោយ..

កំពង់ចាម: លោកប៉ាក ជាតិ អធិការនគរបាលស្រុកស្ទឹងត្រង់ បានប្រាប់Post News ថា មានករណីស្ត្រីម្នាក់ផឹកថ្នាំពុលសម្លាប់ខ្លួន តែ​ត្រូវ​បាន​ប្តី​និង​ក្រុម​គ្រួសារ​ជួយសង្គ្រោះ​បញ្ជូន​ទៅ​ព្យាបាល​នៅ​មន្ទីរពេទ្យ​បង្អែក​ស្រុក​ស្ទឹងត្រង់ ក្រោយពីនាងត្រូវបានពូធ្វើសកម្មភាពចាប់រំលោភសេពសន្ថវ: ហើយត្រូវប្តីតាមទាន់បែរជាស្តីបន្ទោស និងគំរាមប្រើហិង្សារមកលើនាងបន្ថែមទៀត ។

ហេតុការណ៍នេះកើតឡើងកាលពីវេលាម៉ោង៨និង២០នាទីយប់ ថ្ងៃទី២៤ ខែមករា ឆ្នាំ២០១៨ ស្ថិតនៅចំណុចទួល​ស្រឡៅ​ ​ក្នុងភូមិ​ពោន ឃុំ​ទួល​សំបួរ ​ស្រុក​ស្ទឹងត្រង់ ​ខេត្តកំពង់ចាម។

ស្ត្រីខាងលើមានវ័យ៣២ឆ្នាំ ។ ចំណែកប្តីមានអាយុ៣៧ឆ្នាំ ។ រីឯជនសង្ស័យជាពូ មានឈ្មោះ ព្រុំ កុសល់​ ភេទ​ប្រុស​ អាយុ​៥៦​ឆ្នាំ​។

បច្ចុប្បន្នសមត្ថកិច្ច​ជំនាញ​កំពុង​ធ្វើ​ការ​ស្រាវជ្រាវ បន្ត​តាម​រក​មុខសញ្ញា​ជន​ស​ង្ស័យយកមកដោះស្រាយគ្នាតាមផ្លូវច្បាប់៕

មតិយោបល់