ភ្នំពេញៈ ភ្លៀងធ្លាក់មួយមេយ៉ាងធំរាប់ម៉ោង លាយឡំជាមួយ នឹងខ្យល់កន្ត្រាក់បោកបក់មកយ៉ាងខ្លាំង បានបោកបក់បាក់បង្គោលភ្លើងថ្មចំនួន៤ដើម រួមទាំងខ្សែភ្លើងមួយដុំធំបាក់ធ្លាក់សង្កត់ជាប់ពីលើរថយន្តស៊េរីទំនើបចំនួនជាង១០គ្រឿង រងការខូចខាត។
ហេតុការណ៍កើតឡើងនៅម៉ោងជិត៦ល្ងាច ថ្ងៃទី២៥ ខែមិថុនា ឆ្នាំ២០១៨ នៅមុខធនាគារ ហុង លីអុង តាមបណ្តោយផ្លូវលេខ៥១ ក្នុងសង្កាត់បឹងរាំង ខណ្ឌដូនពេញរាជធានីភ្នំពេញ។
ក្រោយកើតហេតុ សមត្ថកិច្ចបានទាក់ទងទៅខាងមន្ត្រីអគ្គិសនីកម្ពុជាចុះមកបិទប៉ារ៉ែតភ្លើង និងឲ្យក្រុមបុគ្គលិករបស់ធនាគារ ហុង លីអុង យករថយន្តរបស់ខ្លួនទាំងជាង១០គ្រឿងនោះចេញពីក្រោមដើមឈើដែលបាក់សង្កត់នោះ៕
មតិយោបល់