Post News Media ព័ត៌មានជាតិ លោក ត្រាំ អញ្...

លោក ត្រាំ អញ្ជើញលោក ពូទីន ឲ្យមកទស្សនកិច្ចនៅអាមេរិក

អាមេរិក: ប្រធានាធិបតីអាមេរិក លោក ដូណាល់​ ត្រាំ បានអញ្ជើញមេដឹកនាំរុស្ស៊ីលោក វ្លាឌីមៀរ ពូទីន ឲ្យ មកទស្សនកិច្ចនៅអាមេរិក នារដូវស្លឹកឈើជ្រុះខាងមុខ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២០ ខែកក្កដា ឆ្នាំ២០១៨។

អ្នកនាំពាក្យសេតវិមានលោកស្រី Sarah Sanders បានឲ្យដឹងថា សម្រាប់ការអញ្ជើញលោក ពូទីន មកទស្សនកិច្ចនេះ គឺត្រូវបានពិភាក្សា រួចជាស្រេច។

ដោយមេដឹកនាំទាំងពីរ បានធ្វើកិច្ចប្រជុំកំពូលមួយ នៅប្រទេសហ្វាំងឡង់ កាលពីថ្ងៃច័ន្ទ តែយ៉ាងណាមិញមានព័ត៌មានលម្អិត តិចតួចប៉ុណ្ណោះ នៃកិច្ចពិភាក្សារបស់ពួកគេ ដែលត្រូវបានចេញផ្សាយនោះ។

ខណ:ដែលភាគីរុស្ស៊ី ក៏មិនទាន់មានការឆ្លើយតបណាមួយ បញ្ជាក់អំពីជំនួបលើកទី២ រវាងលោក ត្រាំ និងលោក ពូទីន ផងដែរ៕

Loading...