រដ្ឋបាលខេត្តស្ទឹងត្រែង សូមគោរពជូនដំណឹងដល់បងប្អូនប្រជាពលរដ្ឋ និងសាធារណជនទាំងអស់ជ្រាបថា កម្ពស់ទឹកទន្លេមេគង្គនៅខេត្តស្ទឹងត្រែងបានហក់ឡើងវិញហួសពីកម្រិតប្រកាសអាសន្ន អាស្រ័យហេតុនេះ សូមបងប្អូនប្រជាពលរដ្ឋមេត្តាបន្តមានការប្រុងប្រយ័ត្នខ្ពស់ចំពោះករណីទឹកជំនន់តាមទីតាំងនានា ដែលនឹងអាចបង្កឲ្យមានផលប៉ះពាល់ដល់បងប្អូនប្រជាពលរដ្ឋក្នុងមូលដ្ឋានភូមិ ឃុំ សង្កាត់ ជាពិសេសបងប្អូនប្រជាពលរដ្ឋដែលរស់តាមដងទន្លេមេគង្គ៕