Post News Media ព័ត៌មានជាតិ មុខសញ្ញាចោរឆក...

មុខសញ្ញាចោរឆក់យ៉ាងសកម្មចំនួន៣នាក់ ត្រូវបានសមត្ថកិច្ចដេញចាប់ខ្លួនបាន ក្នុងក្រុងព្រះសីហនុ

ព្រះសីហនុ: មុខសញ្ញាចោរឆក់យ៉ាងសកម្មចំនួន៣នាក់ ត្រូវបានសមត្ថកិច្ចដេញឃាត់ខ្លួនបាន នៅចំណុចមុខ​ហាង​ឌឺ​ភីហ្សាខមភេនី ក្នុងក្រុងព្រះសីហនុ ខេត្តព្រះសីហនុ កាលពីវេលាម៉ោង៦និង៣០នាទី ថ្ងៃទី៣ ខែតុលា ឆ្នាំ២០១៨។

ជនសង្ស័យទាំង២នាក់ខាងលើ ទី១ឈ្មោះ វណ្ណ ច័ន្ទឆានុន ភេទប្រុស អាយុ១៧ឆ្នាំ ជា​សិស្ស ស្នាក់នៅក្រុងព្រះសីហនុ (ជា​អ្នកបើកម៉ូតូ ) និងជនសង្ស័យទី២-ឈ្មោះ ខៀវ សុជា ភេទប្រុស អាយុ១៥ឆ្នាំ ជាសិស្ស​ ស្នាក់នៅក្រុងព្រះសីហនុ (ជាអ្នក​ឆក់ ជិះពីក្រោយ) ដកហូតបានម៉ូតូ​ហុងាដសេ១២៥ ឆ្នាំ​២០១៨ មួយ​គ្រឿង​ ពណ៌ខ្មៅ ស្លាកលេខ ព្រះសីហនុ 1H-7241​ ចំណែកទូរសព្ទដែលបាត់ម៉ាក Iphone-X ពណ៌ស និងបានឆែកឆេរ​ទីតាំងស្នាក់នៅរបស់ជនសង្ស័យឃាត់ខ្លួនបានជនសង្ស័យម្នាក់ទៀត បានរកឃើញ​ឧបករណ៍​សម្រាប់​កាច់​សោ​ម៉ូតូ​ ស្លាក​លេខ​ម៉ូតូ​៥​បន្ទះ​ ចំណែកបក្ខពួក៤នាក់ទៀតគេចខ្លួន។

បច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសំណុំរឿងបញ្ជូនខ្លួនទៅកាន់សាលាដំបូងខេត្ត ដើម្បីចាត់ការតាមនីតិវិធីច្បាប់៕

Loading...