តារាចម្រៀងរ៉េប T.I និងកីឡាករប្រដាល់លំដាប់ពិភពលោក Floyd Mayweather បានវាយតប់គ្នានៅក្នុងភោជនីយ៍ដ្ឋានមួយកន្លែង កាលពីយប់ថ្ងៃអាទិត្យកន្លងទៅនេះ។
យោងតាមសាក្សីនៅកន្លែងកើតបានឲ្យដឹងថា មុនកើតហេតុ គេឃើញកីឡាករ Floyd អង្គុយញ៉ាំអាហារនៅក្នុងភោជនីយ៍ដ្ឋាន ហើយភ្លាមនោះគេឃើញតារាចម្រៀងរ៉េប T.I ដើរចូលមក នឹងបានយកកៅអ៊ីវាយទៅលើ Floyd ទើបបណ្ដាលឲ្យមានការភ្ញាក់ផ្អើលដល់មនុស្សជាច្រើន ពួកគេទាំងពីរនាក់មិនបានវាយគ្នាយូរនោះទេ ព្រោះត្រូវអង្គរក្សដែលមានមាឌយក្សបំបែក និងបានចាកចេញមុនពេលដែលប៉ូលិសបានមកដល់។
បើតាមទស្សនាវដ្ដី TMZ បានឲ្យដឹងថា មុនពេលកើតហេតុ ប្រពន្ធរបស់ T.I បានបង្ហោះរូបភាពនៅលើបណ្ដាញសង្គម Instagram ជាមួយនឹងកូនស្រីរបស់ Floyd ហើយ Floyd បាននិយាយទៅកាន់ T.I ថា “គ្រប់គ្រងឆ្កែញីរបស់អ្នកឲ្យបានល្អ“។ ពាក្យនេះចង់សំដៅទៅលើប្រពន្ធរបស់ T.I ដែលបង្ហោះរូបភាពកូនស្រីរបស់ Floyd ទើបធ្វើឲ្យ T.I ខឹងយ៉ាងខ្លាំង រហូតដល់កើតមានជម្លោះនេះ។
ក្រោយពីកើតមានជម្លោះនេះ ប្រភពព័ត៌មានពីប៉ូលិសបានឲ្យដឹងថា T.I និង Floyd ត្រូវបានប៉ូលិសអញ្ជើញចូលខ្លួនដើម្បីផ្ដល់ចម្លើយ ប៉ុន្តែការអញ្ជើញនេះហាក់ដូចជាគ្មានប្រសិទ្ធិភាពនោះទេ៕
មតិយោបល់