ព្រះសីហនុ: សមត្ថកិច្ចខេត្តព្រះសីហនុ បានបង្រ្កាប និងឃាត់ខ្លួន
ជនសង្សយ័ជនជាតិចិនចំនួន ៧នាក់ ជាបន្តបន្ទាប់ ពាក់ព័ន្ធនឹងករណីគ្រឿងញៀនផ្សេងៗគ្នា។
ប្រតិបត្តិការនេះ បានធ្វើទ្បើងកាលពីថ្ងៃទី១ និង ទី២ ខែវិច្ឆិកា ឆ្នាំ២០១៨ ដោយនគរបាលប្រឆាំងគ្រឿងញៀន ខេត្តព្រះសីហនុ សហការជាមួយកម្លាំងអធិការដ្ឋាននគរបាលក្រុងព្រះសីហនុ បង្រ្កាបបទល្មើសគ្រឿងញៀន បានចំនួន៦ករណី និងដកហូតបានថ្នាំញៀនជាច្រើនកញ្ចប់៖
ករណីទី១ កាលពីវេលាម៉ោង៣ជិតភ្លឺថ្ងៃទី១ ខែវិច្ឆិកា ឆ្នាំ២០១៨ ចាប់ខ្លួនជនជាតិចិនម្នាក់ នៅមុខផ្សារលើក្រុងព្រះសីហនុ ឈ្មោះ Wu Yin Chang អាយុ៣០ឆ្នាំ មុខរបរ ចុងភៅ ដកហូតបាន ថ្នាំញៀនចំនួន៣ កញ្ចប់។
ករណីទី២ កាលពីថ្ងៃទី១ ខែវិច្ឆិកា ឆ្នាំ២០១៨ វេលាម៉ោង៤ និង១០ នាទីស្ថិតនៅភូមិ៤ សង្កាត់លេខ៤ ម្តុំតោ២ ចាប់ខ្លួនជនសង្ស័យម្នាក់ឈ្មោះ Fan Yong ជនជាតិចិន អាយុ៣០ឆ្នាំ មុខរបរមិនពិតប្រាកដ ដកហូតបានថ្នាំញៀនចំនួន ២ កញ្ចប់ រួមទាំងទាំងជញ្ចីងថ្លឹងថ្នាំ ១ និង ទូស័ព្ទ ២គ្រឿង។
ករណីទី៣ កាលពីថ្ងៃទី១ ខែវិច្ឆិកាឆ្នាំ២០១៨ ម៉ោង១៩ និង១៥ នាទីយប់ ស្ថិតនៅក្រុម២ ភូមិ៤ សង្កាត់លេខ៤ ក្រុងព្រះសីហនុ ឃាត់ខ្លួនជនសង្ស័យ បានចំនួន២នាក់ ទី១ឈ្មោះ Li QUi Zhi ជនជាតិ ចិន អាយុ២៦ឆ្នាំ មុខរបរមិនពិតប្រាកដ ដកហូតបានថ្នាំញៀន៩កញ្ចប់ និងថ្នាំគ្រាប់ WY ១ កញ្ចប់ (៥គ្រាប់) ទូរស័ព្ទ ១គ្រឿង ទី២ឈ្មោះ Xia zhuo ជនជាតិចិន អាយុ២០ឆ្នាំ មុខរបរមិនពិតប្រាកដ ចាប់បានថ្នាំញៀន ២ កញ្ចប់តូច ទូរស័ព្ទ ២គ្រឿង និងរថយន្ត ១គ្រឿង។
ករណីទី៤ កាលពីថ្ងៃទី១ ខែវិច្ឆិកាឆ្នាំ២០១៨ វេលាម៉ោង ១៥ និង ៥៥ នាទីរសៀល ស្ថិតនៅក្រុម៩ ភូមិ១ សង្កាត់លេខ៣ក្រុងព្រះសីហនុ ឃាត់ខ្លួន ជនសង្ស័យម្នាក់ទៀត ឈ្មោះ Aa Dong ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ១ កញ្ចប់តូច និង ថ្នាំគ្រាប់ WY ១ គ្រាប់ ។
ករណីទី៥ កាលពីថ្ងៃទី១ ខែវិច្ឆិកា ឆ្នាំ២០១៨ ម៉ោង ២១និង ៣៥នាទីយប់ ស្ថិតនៅក្រុម៩ ភូមិ១ សង្កាត់លេខ៣ ឃាត់ខ្លួនជនសង្ស័យម្នាក់ ឈ្មោះ Lei Lin ជនជាតិចិន អាយុ៣០ឆ្នាំ មុខរបរមិនពិតប្រាកដ ដកហូតបានថ្នាំញៀន ២ កញ្ចប់ ។
ករណីទី៦ កាលពីថ្ងៃទី ២ ខែវិច្ឆិកា ឆ្នាំ២០១៨ វេលាម៉ោង១និង២០នាទី ស្ថិតនៅក្រុម១២ ភូមិ២ សង្កាត់លេខ២ ឃាត់ខ្លួនជនសង្ស័យម្នាក់ ឈ្មោះ Yiang Lin Fei ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ៦ កញ្ចប់។
បច្ចុប្បន្នជនសង្ស័យទាំង៧នាក់ ត្រូវបានសមត្ថកិច្ចជំនាញ កសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការ តាមផ្លូវច្បាប់៕
មតិយោបល់