ព័ត៌មានជាតិ

ទំនិញខូចគុណភាព​និងហួសកាលបរិច្ឆេទ​ចំនួន​៨០០​គីឡូក្រាម ត្រូវបានមន្រ្តីសាខាកាំកុងត្រូលខេត្តកំពត-កែប ធ្វើការដុតកម្ទេចចោល!

កំពត-កែប: យោងតាមផេកអគ្គនាយកដ្ឋានកាំកុងត្រូល បានឲ្យដឹងថា នៅថ្ងៃសៅរ៍ ៨កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១៥ ខែធ្នូ ឆ្នាំ២០១៨ មន្រ្តីសាខាកាំកុងត្រូលខេត្តកំពត-កែប បានសហការជាមួយមន្ត្រីមន្ទីរពាណិជ្ជកម្មខេត្ត ព្រះរាជអាជ្ញារងខេត្ត និងអាជ្ញាធរដែនដី ដោយមានការចូលរួមពីលោកអភិបាលរង នៃគណ:អភិបាលខេត្តកំពត បានធ្វើការដុតកម្ទេចចោលនូវទំនិញចម្រុះដែលខូចគុណភាព និងហួសកាលបរិច្ឆេទប្រើប្រាស់ ចំនួន ១៣២ ប្រភេទស្នើនឹង ៨០០ គីឡូក្រាម ស្ថិតនៅភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត។

សូមជម្រាបផងដែរថា ទំនិញខូចគុណភាព និងហួសកាលបរិច្ឆេទប្រើប្រាស់ទាំងនេះ ត្រូវបានសមត្ថកិច្ចចម្រុះ ឆែករកឃើញ និងរឹបអូសបានពីតាមបណ្តាផ្ទះលក់ទំនិញ ម៉ាត និងផ្សារនានា នៅក្នុងខេត្តកំពត-កែប ក្នុងរយ:ពេល ១១ ខែ ក្នុងឆ្នាំ ២០១៨ នេះ៕

មតិយោបល់