Post News Media ព័ត៌មានជាតិ សូមប្រយត្ន័បង...

សូមប្រយត្ន័បងប្អូន! មកដឹងពីការចុះអ័ព្ទនៅតាមបណ្តារខេត្ត និងរាជធានីភ្នំពេញ ដែលកម្ពុជាកំពុងស្ថិតក្នុងការប្រែប្រួលអាកាសធាតុហើយ..

ភ្នំពេញ: យោងតាមផេក ក្រសួងធនធានទឹក និងឧតុនិយម បានឲ្យដឹងថា នារយ:ពេលប៉ុន្មានថ្ងៃនេះ គេសង្កេតឃើញមានការចុះអ័ព្ទនៅរាជធានីភ្នំពេញ ក៏ដូចជានៅតាមបណ្តាខេត្តមួយចំនួនទៀត។

ជាការសន្និដ្ឋានតាមលក្ខណ:បច្ចេកទេសវិទ្យាសាស្ត្របឋម ឃើញថា សំណើម និងអ័ព្ទនាពេលព្រឹក ក្នុងតំបន់របស់យើងមួយចំនួននោះ គឺជាសញ្ញាបង្ហាញពីអាកាសធាតុរបស់យើងបច្ចុប្បន្នកំពុងស្ថិតក្នុងការប្រែប្រួលអាកាសធាតុហើយ (Climate Change) ។ ដោយពីមុនយើងគ្រាន់តែស្ថិតក្នុងការផ្លាស់ប្តូរអាកាសធាតុបន្តិចបន្តួចប៉ុណ្ណោះ (Climate Variability) ។

មូលហេតុ ៖ ក្នុងតំបន់របស់យើង ៖
– ទីមួយ ៖ ក្នុងរយ:ពេលមួយថ្ងៃ សំណើមមានការប្រែប្រួល ដោយគម្លាតគ្នាខ្ពស់ (ពេលព្រឹកព្រលឹម ៩០%, ថ្ងៃត្រង់ និងល្ងាច ៥០%) យើងសង្កេតឃើញគម្លាតរហូតដល់ ៤០% ។
– ទីពីរ ៖ សីតុណ្ហភាពទឹកសន្សើមខ្ពស់ ២៥-២៧ °C ។
– ទីបី ៖ រំហួតខ្ពស់ ។
– ទីបួន ៖ អាចបង្កឡើងដោយភាគល្អិតកខ្វក់តូចៗ (ស្ពាន់ធ័រ និងកាបូនឌីអុកស៊ីត) ដែលកើតឡើងពីកាកសំណល់ ធូលីហុយនោះ (មានទំហំជាមធ្យម ១-១០ មីក្រុង ឬខ្លះមានទំហំតូចជាង ១ មីក្រុង) ។

អាស្រ័យដូចបានជម្រាបជូនខាងលើ សូមសាធារណ:ជន ជ្រាបជាព័ត៌មាន៕