ព័ត៌មានជាតិ

ជនសង្ស័យ​ម្នាក់​ឆក់កាបូប​ពីនារីបុគ្គលិកខារ៉ាអូខេ«អេកូ» បានសម្រេច តែស៊យមានតែគ្រឿងម្ស៉ៅហើយត្រូវប៉ូលិសក្របួច.កបានទៀត!

ភ្នំពេញ: ជនសង្ស័យ​ម្នាក់​បានធ្វើ​សកម្មភាព​ឆក់​កាបូប​ពី​ស្ត្រី​ជា​បុគ្គលិក​ខារ៉ាអូខេ​ម្នាក់​បានសម្រេច​ បណ្តាល​ឲ្យម៉ូតូ​ទាក់​ដៃ​ចង្កូត​គ្នាដួល​ ហើយក៏ត្រូវប្រជាពលរដ្ឋ​ចាប់ប្រគល់​ទៅ​ឲ្យ​សមត្ថកិច្ច​មូលដ្ឋាន​ បង្កឲ្យ​មាន​ការ​ភ្ញាក់​ផ្អើល​ឡើង​កាលពី​វេលាម៉ោង​២និង៤០នាទី​ទៀប​ភ្លឺ​ ថ្ងៃទី​០៨​ ខែ​មករា​ ឆ្នាំ​២០១៩​ត្រង់ចំណុច​ក្បែរខាងក្រោម​ស្ពាន​អាកាស​ស្ទឹង​មានជ័យ​ តាមបណ្ដោយ​ផ្លូវ​ព្រះ​មុន្នីរ៉េត​ ស្ថិតក្នុង​សង្កាត់​បឹងសាឡាង​ ខណ្ឌ​ទួល​គោក​។

ជនរងគ្រោះឈ្មោះ សុភក្ត័ អាយុ៣៣ឆ្នាំ មុខរបរធ្វើការនៅខារ៉ាអូខេអេកូ ស្នាក់នៅក្រោយវត្តស្ទឹងមានជ័យ ស្ថិត​ក្នុង​សង្កាត់​ស្ទឹង​មាន​ជ័យ​ទី​១​ ខណ្ឌ​មានជ័យ​។ ចំណែកឯ​ជនសង្ស័យ​មាន​ឈ្មោះ​ ភឿន​ តួ​ ភេទ​ប្រុស​ អាយុ​២៧ឆ្នាំ​ មុខរបរ​និងកន្លែងស្នាក់នៅមិនពិតប្រាកដ​ មានស្រុកកំណើតនៅ​ស្រុកស្អាង​ ខេត្ត​កណ្ដាល​។

បើតាម​សម្តី​ស្ត្រី​រងគ្រោះ​បានឲ្យដឹងថា ​នៅមុន​ពេល​កើត​ហេតុ​គាត់​បាន​ជិះ​ម៉ូតូ​មួយគ្រឿង​ម៉ាក​ ធូដេ​ ពណ៌ក្រហម​ ពាក់ស្លាកលេខ​ ភ្នំពេញ 1FS-4845 ទើបតែ​ជិះ​ចេញមក​ពី​កន្លែង​ធ្វើការ​នៅម្តុំ​ស្តុប​ដេឥន្ទ បំណង​ត្រឡប់ទៅ​ផ្ទះ​វិញ​នៅវត្ត​ស្ទឹង​មានជ័យ​ ដោយធ្វើដំណើរ​តាមបណ្ដោយ​ផ្លូវ​ព្រះ​មុន្នីរ៉េត​ ក្នុងទិស​ដៅពី​ស្តុប​ផ្សារ​ដើមគរ​ឆ្ពោះទៅស្ទឹងមានជ័យ។ លុះមកដល់​ចំណុចកើត​ហេតុ​ ស្រាប់​តែ​មានជន​សង្ស័យ​ម្នាក់​ជិះ​ម៉ូតូ​មួយគ្រឿង​ម៉ាក​ អ៊ិចសាយទ័រ​ ពណ៌ខ្មៅ​ ពាក់ស្លាកលេខ​ ភ្នំពេញ​1HB-2656 ជិះ​មក​ពីក្រោយ​​បានធ្វើសកម្ម​ភាព​ ឆក់កាបូប​ពីរូបគាត់​ដែលស្ពាននឹងខ្លួន​ បណ្តាល​ឲ្យ​ដាច់ខ្សែបានសម្រេច​ ហើយបណ្តាលឲ្យដៃម៉ូតូ​របស់ជនសង្ស័យ​រ៉េទៅទាក់ជាមួយដៃម៉ូតូ​ជន​រងគ្រោះឲ្យ​ដួល​ទាំងអស់គ្នា​។​ ភ្លាម​ៗនោះ​ផងដែរ ក៏មានប្រជាពលរដ្ឋ​ដែល​បានឃើញហេតុ​ការណ៍​ បាននាំគ្នាជួយ​អន្តរាគមន៍​ចាប់ឃាត់ជនសង្ស័យ​ និង​បាន​ស្វាគមន៍​ម្នាក់​មួយ​ដៃ​មួយ​ជើង​បណ្តាល​ឲ្យ​ហើមមុខ មើល​លែង​ស្គាល់​ចង់​ស្គាល់​។ ដោយឡែក​កាបូប​របស់​ជន​រងគ្រោះ​ក៏​ត្រូវ​បាន​ជន​ឆ្លៀត​ឱកាសធ្វើការ​លួចយកទៅ​ ខណ:​ពេល​ដែល​មាន​ប្រជាពលរដ្ឋ​ជាច្រើន​មកជួយធ្វើការ​អន្តរាគមន៍​។ ប៉ុន្តែ​សំណាង​ល្អ​ដែល​នៅ​ក្នុង​កាបូបរបស់​ជនរងគ្រោះ​ដែលបានបាត់ទៅនោះមិនមានវត្ថុមានតម្លៃ​ គឺមានតែម្សៅផាត់មុខតែ​ប៉ុណ្ណោះ​។

ក្រោយពីកើតហេតុ​ជនសង្ស័យ​រួម​ទាំង​វត្ថុ​តាំង​ ត្រូវ​បាន​សមត្ថកិច្ច​មូលដ្ឋាន​នាំយក​ទៅ​សាក​សួរ​នាំ​នៅ​ប៉ុស្តិ៍​នគរបាល​រដ្ឋ​បាល​បឹងសាឡាង​ដើម្បី​កសាង​សំណុំ​រឿង​បញ្ជូន​ខ្លួន​ទៅ​អធិការ​ដ្ឋាន​នគរបាល​ខណ្ឌ​ទួលគោក​រង់ចាំ​ធ្វើ​ការ​ចាត់ការទៅតាម​នីតិវិធី​ច្បាប់​៕

មតិយោបល់