Post News Media ព័ត៌មានជាតិ មិនរាងចាលមែន!...

មិនរាងចាលមែន! ស្ថានីយ​ប្រេងឥន្ធន:ចំនួន​៤ទីតាំង ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ

បន្ទាយមានជ័យ: យោងតាមផេកអគ្គនាយកដ្ឋានកាំកុងត្រូល បានឲ្យដឹងថា ថ្ងៃពុធ​ ៤កើត​ និងថ្ងៃព្រហស្បតិ៍ ៥កើត ខែបុស្ស​ ឆ្នាំច​ សំរឹទ្ធស័ក​ ព.ស២៥៦២​ ត្រូវនឹងថ្ងៃទី៩ និងថ្ងៃទី១០​ ខែមករា​ ឆ្នាំ២០១៩​ សាខាកាំកុងត្រូលខេត្តបន្ទាយមានជ័យ​ បានសហការជាមួយរថយន្តពិសោធន៍ផ្នែកប្រេងឥន្ធន:​ និងមន្ទីរពាណិជ្ជកម្ម​ខេត្តបន្ទាយមានជ័យ ធ្វើការត្រួតពិនិត្យ​លើកទី២ នូវស្ថានីយ​ចំនួន ១​ ស្ថានីយ និងដេប៉ូចំនួន ៤ ដេប៉ូ ហើយការត្រួតពិនិត្យលើកទី១ នូវស្ថានីយចំនួន ២ ស្ថានីយ និងដេប៉ូ ចំនួន ១០ ដេប៉ូ ជាសរុបបានចំនួន ១៧ ស្ថានីយ/ដេប៉ូ ហើយលទ្ធផលត្រូវបានបង្ហាញក្នុងឯកសារភ្ជាប់ជារូបភាពខាងក្រោម។ ក្រុមការងារក៏បានធ្វើការដកហូតភេសជ្ជ:ហួសកាលបរិច្ឆេទប្រើប្រាស់ ដែលបានដាក់តាំងលក់ក្នុងស្ថានីយ/ដេប៉ូ បានចំនួន ៣១៩ដប ស្មើនឹង ១៤២,៦៥ គ.ក។

បញ្ជាក់៖ ស្ថានីយ/ដេប៉ូចំនួន ៤ នឹងកសាងសំណុំរឿងបញ្ជូនទៅតុលាការ ហើយស្ថានីយ/ដេប៉ូដែលមានកំហុសបន្តិចបន្តួចត្រូវបានធ្វើការណែនាំឲ្យគោរពតាមភាពអនុលោមនៃច្បាប់៕