ភ្នំពេញៈ យោងតាមផេករបស់នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង បានឲ្យដឹងថា ក្រសួងសុខាភិបាល បានចេញប្រកាសព័ត៌មានឲ្យបងប្អូនប្រជាពលរដ្ឋបញ្ឍប់ការទិញ និងប្រើប្រាស់ឱសថបុរាណឈ្មោះ ខ្មែរសុរិន្ទ (Khmer Sorin) នេះជាបន្ទាន់ពីគណនីទាំងអស់ដែលបង្ហោះ ចែកចាយ ឬលក់តាមបណ្តាញសង្គមហ្វេសប៊ុក ពីព្រោះឱសថបុរាណប្រភេទនេះ មិនបានត្រួតពិនិត្យគុណភាព គ្មានលេខបញ្ជិកា និងគ្មានការអនុញ្ញាតឲ្យនាំចូល ពីក្រសួងសុខាភិបាលឡើយ ហើយថែមផ្សព្វផ្សាយបំផ្លើស ដើម្បីបោកប្រាស់ ភូតកុហកប្រជាពលរដ្ឋ៕