កំពង់ស្ពឺៈ រឿងមនុស្សនិងសត្វ មិននឹកស្មានដល់ទាល់តែសោះដោយទ្រាំមិនបាន បុរសវ័យចំណាស់ម្នាក់មានឈ្មោះ វ៉ាន់ អឿន ភេទប្រុស អាយុ៥៩ឆ្នាំ មុខរបរអ្នកម៉ៅចំការស្វាយនៅភូមិស្រល់ ឃុំត្រែងត្រយឹង ស្រុកភ្នំស្រួច មានស្រុកកំណើតនៅភូមិព្រៃតាម៉ោ ឃុំព្រែកអន្ទះ ស្រុកពោធិ៍រៀង ខេត្តព្រៃវែង កាលពីថៃ្ងទី២៨ ខែធ្នូ ឆ្នាំ២០១៨ វេលាម៉ោង៦ល្ងាច បានលបកាប់សត្វគោឈ្មោលចំនួន២ក្បាលរបស់ឈ្មោះ សាត សឿន ភេទប្រុស អាយុ៥៥ឆ្នាំ នៅភូមិស្រល់ ឃុំត្រែងត្រយឹង ស្រុកភ្នំស្រួច។
មូលហេតុ ដោយសារខឹងសម្បារនិងសត្វគោចេះតែចូលក្នុងចំការស៊ីផ្លែស្វាយនិងបំផ្លាញផលដំណាំផ្សេងៗទៀត ដោយម្ចាស់គោមិនចងមើលថែគ្រប់គ្រងឲ្យបានត្រឹមត្រូវ។
ករណីខាងលើត្រូវបានម្ចាស់គោមិនសុខចិត្ដប្ដឹងឲ្យសមត្ថកិច្ចជួយធ្វើការអន្ដរាគមន៍ និងឃាត់ខ្លួនជនបង្កប្រើហិង្សាទៅលើសត្វគោទាំង២ក្បាល«គោឈ្មោលសម្បុរស ក្រយ៉ៅនំទេព របួសជើងស្តាំខាងមុខដាច់ស្បែកដល់ឆ្អឹង គោឈ្មោលមួយក្បាលទៀតសម្បុរសក្រយ៉ៅនំទេព របួសចំជើងក្រោយខាងឆ្វេងដាច់សសៃរកែង» ជនសង្ស័យក្រោយប្រព្រឹត្ដបទល្មើស រួចបានរត់គេចខ្លួនបាត់។ រំលងបានមួយយប់ សមត្ថកិច្ចបានធ្វើការឃាត់ខ្លួនជនសង្ស័យឈ្មោះ វ៉ាន់ អឿន នៅក្នុងចំការស្វាយ បញ្ជូនមកជំនាញខេត្ដចាត់ការតាមនិតិវិធីច្បាប់៕
មតិយោបល់