ព្រៃវែងៈ នៅវេលាម៉ោងប្រហែល​២​ រំលងអធ្រាត្រឆ្លងចូលថ្ងៃទី០៩ ខែមិនា ឆ្នាំ២០១៩ កម្លាំងប៉ុស្តិរដ្ឋរបាលឃុំអង្គរសរ បានល្បាតចល័តប្រទះឃើញរថយន្តម៉ាក ហាយទ្បែនឌ័រ មួយគ្រឿង ពណ៌ទឹកប្រាក់ ពាក់ស្លាកលេខ​ភ្នំពេញ 2AA-9243 ។

ដោយរថយន្តខាងលើ ត្រូវបានជនមិនស្គាល់អត្តសញ្ញាណ បានយកមកផ្លុងចោល នៅចំណុចផ្លូវច្រមុះជ្រូក ស្ថិតនៅភូមិអង្គរសរ ឃុំអង្គរសរ ស្រុកមេសាង។

បច្ចុប្បន្នសមត្ថកិច្ច បានយកមករក្សាទុកនៅប៉ុស្តិ៍រដ្ឋបាលអង្គរសរ​ ដើម្បីស្រាវជ្រាវរកម្ចាស់ពិតប្រាកដ៕