ផ្ទះ ព័ត៌មានជាតិ Update: សូមបង...

Update: សូមបងប្អូនប្រុងប្រយ័ត្ន! មួយប៉ព្រិចភ្នែកសោះអស់៤ខ្នងនៅខេត្ត ត្បូងឃ្មុំ

0

ត្បូងឃ្មុំ: ថ្ងៃទី ១៨ ខែ មិនា ឆ្នាំ២០១៩ វេលាម៉ោង២និង៣០នាទីរសៀល នៅភូមិស្វាយដំណាក់ ឃុំជំនីក ស្រុកក្រូចឆ្មារ មានករណីអគ្គិភ័យឆាបឆេះផ្ទះប្រជាពលរដ្ឋអស់ចំនួន៤ ខ្នង ក្នុងនោះ រួមមានម្ចាស់ផ្ទះឈ្មោះ:

១.ឈ្មោះ គួង ម៉ានី ភេទស្រី អាយុ ២៣ ឆ្នាំ ផ្ទះតៀម ធ្វើឈើប្រក់ដែក ទំហំ ៤X១០ ម៉ែត្រ ខូចខាត ៖ លុយដុល្លា 1000$ , លុយខ្មែរ 10 ម៉ឺនរៀល , ស្រូវ 400 kg និងសម្ភារ ប្រើប្រាស់ ជាច្រើនទៀត។

២.ឈ្មោះ បឿក អិន ភេទ ប្រុស អាយុ ៤៨ ឆ្នាំ ផ្ទះឈើប្រក់ក្បឿងទំហំ ៥X១៤ ម៉ែត្រ ខូចខាត លុយខ្មែរ 20 លាន,មាស 2 ដំឡឹង , ផ្លាកទីន 1 ដំឡឹង , ថ្នាំជក់ 6 តោន, ពោត 15 តោន,ស្រូវ 2 តោន និងសម្ភារ ប្រើប្រាស់ជាច្រើនទៀត
-៣.ឈ្មោះ ឌីម ភិន ភេទស្រី អាយុ ៤៩ ឆ្នាំ ផ្ទះឈើប្រក់ប្រូស៊ីម៉ង ទំហំ ៥ x ១២,៥ ម៉ែត្រ ការខូចខាត ៖លុយខ្មែរ 3 លានរៀល , មាស 3 ,5 ដំឡឹង , ពោត 14 តោន , ថ្នាំជក់ 130 kg និងសម្ភារ ប្រើប្រាស់
៤.ឈ្មោះ សេក ស៊ីណាន ភេទប្រុស អាយុ ៤០ឆ្នាំ ផ្ទះឈើប្រក់ដែក ទំហំ ៦X៩ ម៉ែត្រ ខូចខាត: មាស 5 ជី, ផ្លាកទីន 2 ជី ពោត 15 តោន និងសម្ភារ ប្រើប្រាស់

ករណីអគ្គិភ័យដ៍សន្ធោរសន្ធៅនេះត្រូវបានគ្រប់គ្រង និងធ្វើការបាញ់ទឹកពន្លត់រលត់វិញទាំងស្រុងនៅវេលាម៉ោងប្រមាណ ៦ និង ០០ នាទី ដោយប្រើប្រាស់រថយន្តពន្លត់អគ្គិភ័យចំនួន ៧ គ្រឿង ក្នុងនោះមានរថយន្តរបស់អធិការដ្ឋាននគរបាលស្រុកក្រូចឆ្មារ តំបែរ សួង ត្បូងឃ្មុំ មេមត់ ស្នងការដ្ឋានខេត្តត្បូងឃ្មុំ និងររថយន្ត ស្រុកឆ្លូងខេត្តក្រចេះ សរុបប្រើប្រាស់ទឹក១៨ធុង ៕

 

Leave a Reply

This site uses Akismet to reduce spam. Learn how your comment data is processed.