Post News Media ព័ត៌មានជាតិ ផ្អើលរត់ចែកជើ...

ផ្អើលរត់ចែកជើ​ងគ្នា ពិធីមង្គលការ ក្លាយជាហិង្សា នៅខេត្តកែប

កែប: កាលពីយប់ថ្ងៃទី១៧ ខែមិនា ឆ្នាំ២០១៩ មានករណីហិង្សានៅក្នុងពិធីមង្គលការមួយ ខណ:ភ្ញៀវកំពុងតែរាំរែកសប្បាយ បង្កឲ្យផ្អើលរត់ចែកជើងគ្នា ទាំងភ្ញៀងខាងកូនប្រុស និងកូនស្រី ស្ថិត​នៅក្នុងភូមិ ទួលស្រងាំ ឃុំអង្កោល ស្រុកដំណាក់ចង្អើ​រ ខេត្តកែប។

ជនរងគ្រោះម្នាក់ឈ្មោះ សុខ ភក្តី បានរងរបួសធ្ងន់ បច្ចុប្បន្នកំពុងតែសម្រាកព្យាបាល នៅមន្ទីរពេទ្យបង្អែកខេត្តកែប ដោយត្រូវគ្រូ​ពេទ្យ​​ដេរអស់ចំនួន១២ថ្នេរ។

តាមប្រភពពីម្តាយជនរងគ្រោះឈ្មោះ សុខ ផាន អាយុ ៤៩ឆ្នាំ បានឲ្យដឹងថា នៅយប់កើ​តហេតុ រូបគាត់និងប្តី ព្រមទាំងកូន ត្រូវជាសាច់ញាតិខាងស្រី បានមកចូលរួមពិធីមង្គលការ ក្នុងនាមជាភ្ញៀវ ហើយបានរាំរែកសប្បាយ រហូតដល់ម៉ោង៨ និង៥០នាទីយប់ ឈ្មោះ សុខ ភក្តី កំពុងតែរាំក្នុងវង់សុខៗ ស្រាប់តែ​ឃើ​ញកែវ ត្រូវបានគេគប់មកក្នុងវង់រាំ នៅពេលនោះ ដោយកូនកំលោះ និងសាច់ញាតិកូនកំលោះ មានការយល់ច្រទ្បំស្មានថា កែវនោះជារបស់ជនរងគ្រោះអ្នកគប់ ក៏​បានព្រួតវាយ បណ្ដាលឲ្យរងរបួសធ្ងន់។

ពាក់ព័ន្ធនឹងករណីនេះ សមត្ថកិច្ច ស្រុកដំណាក់ចង្អើរ ខេត្តកែប កំពុងធ្វើការស្រាវជ្រាវរឿងនេះ ដើ​ម្បីធ្វើការដោះស្រាយតាមនិតិវិធី៕