ភ្នំពេញៈ យុវសិស្សម្នាក់ ត្រូវបានកម្លាំងនគរខណ្ឌដូនពេញឃាត់ខ្លួនជាមួយ និងវត្ថុតាងថ្នាំញៀនមួយចំនួនដែលប្រុងចូលផ្ទះសំណាក់យីហោ(សេរីសូរិយា)កាលពីព្រឹកថ្ងៃទី១១ ខែកក្កដា ឆ្នាំ២០១៦ផ្លូវលេខ៨១ភូមិ៧ សង្កាត់ផ្សារថ្មី២ ខណ្ឌដូនពេញ។

សមត្ថកិច្ចបានឲ្យដឹងថា ជនសង្ស័យឈ្មោះ អ៊ុយ សុខសកល អាយុ២២ឆ្នាំ មានទីលំនៅបូរីសន្តិភាព២ សង្កាត់ចោមចៅ ខណ្ឌពោធិ៍សែនជ័យ ត្រូវបានដកហូតបានថ្នាំញៀន៤កញ្ចប់ លុយ១ម៉ឺនរៀល ទូរស័ព្ទ២គ្រឿង ម៉ូតូScoopy មួយគ្រឿង ពាក់ស្លាកលេខភ្នំពេញ1AE-1233 និងសម្ភារមួយចំនួនទៀត។

សមត្ថកិច្ចបានឲ្យដឹងថា មុនពេលកើហេតុកម្លាំងនគរបាលព្រហ្មទណ្ឌខណ្ឌដូនពេញ និងកម្លាំងនគរបាលប៉ុស្តិ៍រដ្ឋបាលផ្សារថ្មី២ បានចេញល្បាតក្នុងមូលដ្ឋានលុះមកដល់ផ្លូវលេខ៨១ ស្រាប់តែបានទទួលព័ត៌មានសម្ងាត់ថា មានជនសង្ស័យម្នាក់កំពុងជិះម៉ូតូម៉ាកស្កូបពីប្រុងចូលផ្ទះសំណាក់នៅបណ្តោយផ្លូវនោះដោយឃើញដូច្នេះកម្លាំងបានក៏ហៅជនសង្ស័យរូបនោះឆែកឆេរឃើញមានលាក់ទុកថ្នាំញៀនចំនួន០៣កញ្ចប់តូច និង១ញ្ចប់ធំក៏នាំទៅអធិការនគរបាលខណ្ឌដូនពេញដើម្បីចាត់ការតាមនីតិវិធីច្បាប់៕