Post News Media ព័ត៌មានជាតិ Update៖ ករណីល...

Update៖ ករណីលួចម៉ូតូមន្ត្រីប៉ូលិសប៉ុស្តិ៍ជើងឯក តាមពិតជនសង្ស័យជាអ្នកកាសែតត្បាញអាយ

ភ្នំពេញ: នៅវេលាម៉ោង ២និង០០នាទីរសៀល ថ្ងៃទី១ ខែឧសភា ឆ្នាំ២០១៩ មានករណីចោរលួច (ម៉ូតូ) ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។

ជនរងគ្រោះមានឈ្មោះ ណូ វីរ: ភេទប្រុស អាយុ ៣១ឆ្នាំ ជនជាតិខ្មែរ មុខរបរមន្ត្រីនគរបាលរដ្ឋបាលប៉ុស្តិ៍ជើងឯក មានទីលំនៅផ្ទះគ្មានលេខ ផ្លូវលំ ភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។
ជនសង្ស័យឈ្មោះ កិច ឈិនចិន ភេទប្រុស អាយុ ៤០ឆ្នាំ មុខរបរជាអ្នកកាសែតវីរ:ជ័យ ស្នាក់នៅផ្ទះជួលផ្លូវលំ ស្ថិតក្នុងភូមិប្រាំបីឆោមកំពង់លួង ស្រុកពញ្ញាឮ ខេត្តកណ្ដាល។

ដំណើររឿង៖ មុនពេលកើតហេតុជនរងគ្រោះ បានត្រឡប់ មកពីការពារនៅរដ្ឋសភាវិញ រួចទុកម៉ូតូនៅក្រោមផ្ទះ ហើយឡើងសម្រាកលើផ្ទះ ក្នុងភូមិកើតហេតុ។ លុះដល់វេលាម៉ោង ២និង០០នាទីរសៀល ឮសំទ្បេងបញ្ឆោះម៉ូតូ ក៏ស្ទុះចុះមកក្រោម ឃើញជនសង្ស័យជិះចេញទៅ ហើយបានស្រែកតាមវិទ្យុទាក់ទង ឲ្យកងការពារគោលខាងមុខជួយស្ទាក់ចាប់បាន ត្រង់ចំណុចស្ពាន់បាកប៉ុស្តិ៍លេខ៥ ភូមិស្រីស្នំ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។

ក្រោយធ្វើការសាកសួរ ជនសង្ស័យត្រូវបានបញ្ជូនទៅប៉ុស្តិ៍រដ្ឋបាលជើងឯក ដើម្បីកសាងសំណុំរឿងតាមនីតិវិធីច្បាប់៕