Post News Media ព័ត៌មានជាតិ សង្ស័យចាញ់ល្ប...

សង្ស័យចាញ់ល្បែងអស់ពីខ្លួន! បុរសជនជាតិចិនម្នាក់ ធ្វើសកម្មភាពឆក់កាបូបស្ត្រីម្នាក់

ព្រះសីហនុ: កាលពីវេលាម៉ោង៨យប់ថ្ងៃ២៨ ខែឧសភា ឆ្នាំ២០១៩ មានករណីជនសង្ស័យជាជនជាតិចិនម្នាក់ ត្រូវបានប្រជាពលរដ្ឋដេញចាប់ប្រគល់ឲ្យសមត្ថកិច្ច ក្រោយរូបគេ ធ្វើសកម្មភាពឆក់កាបូប នៅជិតវេទិកាវិមានឯករាជ្យក្រុងព្រះសីហនុ។

បុរសជនជាតិចិនខាងលើ ទំនងជាចាញ់ល្បែងអស់លុយពីខ្លួន ទើបចេញមកឆក់កាបូបគេបែបនេះ។

តាមប្រភពពីជនរងគ្រោះ ជាម្ចាស់កាបូប (ជនជាតិខ្មែរ) បាននិយាយថា ជនសង្ស័យ បានឆក់កាបូបគាត់ នៅពេលបើកទ្វាររថយន្ត។

បច្ចុប្បន្នជនសង្ស័យ ត្រូវបានសមត្ថកិច្ច បាននាំខ្លួនទៅកាន់ស្នងការដ្ឋាននគរបាលខេត្ត ដើម្បីសាកសួរ និងកសាងសំណុំរឿង ចាត់ការតាមនិតីវិធី៕