ភ្នំពេញៈ ថ្នាំញៀនដែលមានទំងន់ជិតមួយគីឡូក្រាម កាំភ្លើងខ្លីមួយដើម រួមទាំងសម្ភារៈជាច្រើនទៀត ត្រូវបានសមត្ថកិច្ចរកឃើញនៅក្នុងបន្ទប់ជួលមួយកន្លែង នៅខណ្ឌពោធិ៍សែនជ័យ រាជធានីភ្នំពេញ។

កម្លាំងអាវុធក្រុងភ្នំពេញ សហការជាមួយកម្លាំងអាវុធហត្ថខណ្ឌពោធិ៍សែនជ័យ ដឹកនាំដោយលោកវរសេនីយ៍ទោ ប៉ាន់ សុភាព ប្រធានមន្ទីប្រឆាំងគ្រឿងញៀនអាវុធហត្ថក្រុង និងលោក ជឹម រីទ្ធី មេបញ្ជាការអាវុធហត្ថខណ្ឌ ព្រមទាំងមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ នៅម៉ោង៩ និង២០នាទីយប់ថ្ងៃទី១៤ ខែកក្កដា ឆ្នាំ២០១៦នេះ បានបើកប្រតិបត្តិការចុះឆែកឆេរបន្ទប់ជួលមួយកន្លែង ស្ថិតក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ដោយរកឃើញថ្នាំញៀនប្រភេទម៉ាទឹកកក២កញ្ចប់ធំ ទម្ងន់ជិតមួយគីឡូក្រាម អាវុធខ្លីមួយដើម គ្រាប់៦គ្រាប់ និងសម្ភារៈមួយចំនួនទៀត ចំណែកជនជួញដូរ និងប្រើប្រាស់គ្រឿងញៀន សមត្ថកិច្ចចាប់ខ្លួនបានម្នាក់ផងដែរ។

បច្ចប្បន្នវត្ថុតាងត្រូវបានកម្លាំងជំនាញយកទៅរក្សាទុក និងដើម្បីធ្វើការស្រាវជ្រាវរកក្រុមជនសង្ស័យបន្ថែមទៀតមកផ្ដន្ទាទោសតាមច្បាប់៕

https://youtu.be/YlwgD6FTzkQ