ព័ត៌មានជាតិ

ជនជាតិ​ចិន​ម្នាក់​ផឹកស្រា​ស្រវឹង​ចុះ​មុជទឹក​អាងលង់ស្លាប់​ ក្នុង​សណ្ឋាគារ​ ប៉ា​រ៉ា​ឌី​ស​អង្គរ​វិឡា​

សៀមរាប: យោងតាមផេកអគ្គស្នងការនគរបាលជាតិ បានឲ្យដឹង​ថា​ នៅ​វេលា​ម៉ោង​២០​និង​៤០​នាទី​​ថ្ងៃ​ទី​៨​ ខែមិថុនា​ ឆ្នាំ​២០១៩​ មានជនជាតិ​ចិន​ម្នាក់​ ផឹកស្រា​ស្រវឹង​ ចុះ​មុជទឹក​អាង​ ក្នុង​សណ្ឋាគារ​ ប៉ា​រ៉ា​ឌី​ស​អង្គរ​វិឡា​ បណ្តាល​ឲ្យគាំងបេះដូង​ លង់ទឹក​ស្លាប់​ ស្ថិត​នៅ​ត្រង់​ចំណុច​សណ្ឋាគារ​ ប៉ា​រ៉ា​ឌី​ស​អង្គរ​វិឡា​ ភូមិ​ចុង​កៅស៊ូ​ សង្កាត់​ស្ល​ក្រាម​ ក្រុង​ខេត្ត​សៀម​រាម​។​

ជន​រង​គ្រោះ​ឈ្មោះ​ KECHNGIN​ ភេទ​ប្រុស​ ឆ្នាំ​កំណើត​1987​ ជនជាតិ​ចិន​ បាន​ចូល​មក​ព្រះរាជាណាចក្រ​កម្ពុជា​ តាម​ច្រ​កទ្វារ​ប្រ​លាន​យន្តហោះ​ខេត្តសៀមរាប​ កាលពី​ថ្ងៃ​ទី​០៦​ ខែមិថុនា​ ឆ្នាំ​២០១៩​ ហើយ​បាន​មក​ស្នាក់​នៅ​ក្នុង​សណ្ឋាគារ​កើតហេតុ​ខាងលើ​។​

យោង​បើ​តាម​ព័ត៌មាន​សាកសួរ​បំភ្លឺ​ ពី​បុគ្គលិក​ដែល​ប្រចាំការ​នៅ​សណ្ឋាគារ​បានឲ្យ​ដឹង​ថា ​នៅ​វេលា​ម៉ោង​ ២០​នឹង​២៥​នាទី​ ថ្ងៃ​ទី​០៨​ ខែមិថុនា​ ឆ្នាំ​២០១៩​ ក្រោយ​ពី​ហូប​បាយ​ នឹង​ផឹកស្រា​រួច​មក​ ជន​រង​គ្រោះ​បាន​បបួល​គ្នា​ទៅ​ងូតទឹក​អាង​លេង​ ដែល​មាន​គ្នា​៤​នាក់​ ជនជាតិ​ចិន​ដូច​គ្នា​ លុះដល់​ម៉ោង​២០​និង​៤០​នាទី​ ក៏​បានលឺ​សម្លេងស្រែកហៅ​ឲ្យ​ជួយ​ថា​ មាន​មនុស្ស​លង់ទឹក​ លុះ​បុគ្គលិក​សណ្ឋាគារ​មក​ដល់​បានឃើញ​មនុស្ស​លិច​នៅ​បាត​អាង​ ហើយ​បាន​ស្រង់​លើក​មក​លើ​ ហើយ​ក៏​រាយការណ៍​ប្រាប់​ប៉ូ​លី​ស​។​ ការពិ​និត្យ​សាកសព​នៅ​លើ​ខ្លួន​សព​ពុំ​មាន​ស្នាក់​ស្នាម​អ្វី​ទេ​ ការ​ជួយ​សង្គ្រោះ​ពុំ​មានទឹក​ចេញ​តាម​មាត់​ មាន​តែ​កំអួត​ចេញ​បាយ​ហើយ​ធុំក្លិន​តែ​ស្រា​។​

​ផ្អែក​តាម​ការ​សន្និដ្ឋាន​ន​របស់​សមត្ថកិច្ច​ជំនាញ​ផ្នែក​កោសល្យ​វិ​ច្ច័​យ​ បាន​បញ្ជាក់​ប្រាប់​ឲ្យដឹង​ថា​ សព​ជន​រង​គ្រោះ​ស្លាប់ ​ដោយសា​គាំងបេះដូង​នៅ​ក្នុង​ទឹក​អាង​ ចំពោះ​សព​ត្រូវ​បាន​យក​ទៅ​រក្សា​ទុក​នៅ​មន្ទីរពេទ្យ​រ៉ូ​យ៉ា​ល់​អង្គរ​ ដើម្បី​រង់ចាំ​ក្រុម​គ្រួសារ​មក​ទទួលយក​ ៕

<img class="alignnone size-

មតិយោបល់