ភ្នំពេញៈ ជនសង្ស័យ០២នាក់ ត្រូវបានកម្លាំងជំនាញរបស់អធិការដ្ឋាននគរបាលខណ្ឌពោធិ៍សែនជ័យ បង្ក្រាបចាប់ឃាត់ខ្លួនបាន រួមជាមួយថ្នាំញៀនចំនួន០២កញ្ចប់ កាលពីវេលាម៉ោង៥រសៀល ថ្ងៃទី១៥ ខែកក្កដា ឆ្នាំ២០១៦ ស្ថិតនៅ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។

ជនសង្ស័យទាំង២នាក់ កម្លាំងនគរបាលឃាត់ខ្លួនបាន ទី១ ឈ្មោះ សេង ពិសេស ហៅឆ្លូញ ភេទប្រុស អាយុ១៧ឆ្នាំ មុខរបរ មិនពិតប្រាកដ មានទីលំនៅ ភូមិថ្មគោល សង្កាតើចោមចៅ ខណ្ឌពិធិ៍សែនជ័យ ។ ទី២ ឈ្មោះ ឈុន អេង ភេទប្រុស អាយុ៣០ឆ្នាំ មុខរបរ មិនពិតប្រាកដ ស្នាក់នៅ បន្ទប់ជួលជាន់ទី១ ភូមិត្រពាំងពោធិ៍ សង្កាត់ចោមចៅ មានស្រុកកំណើត ក្រុងព្រះសីហនុ ។ សម្ភារៈដកហូត ថ្នាំញៀន០២កញ្ចប់ ខ្នាតកណ្តាល មូ៉តូចំនួន០២គ្រឿង សង់កូរ៉េ កញ្ចាស់មួយគ្រឿង និង ម៉ាក SLមួយគ្រឿង។

តាមនគរបាលបានឲ្យដឹងថា បន្ទាប់ពីមានកិច្ចសហការណ៍ល្អជាមួយ បងប្អូនប្រជាពលរដ្ឋរាយការណ៍ ជុំវិញករណីជួញដូរ គ្រឿងញៀន ទើបកម្លាំងជំនាញ ក្រោមបញ្ជា របស់លោកយឹម សារ៉ាន់ ធ្វើការស្រាវជ្រាវ តាមចាប់ឃាត់ខ្លួនបាន។

ក្រោយពីឃាត់ខ្លួន ជនសង្ស័យទាំងពីរនាក់ ត្រូវបាននាំទៅសាកសួរនៅផ្នែកជំនាញ អធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងចាត់ការទៅតាមនីតិវិធី៕

https://youtu.be/FO2g-qIMw9I
https://youtu.be/-pKIBPSVlec
https://youtu.be/X2ez2wo6mwE