ផ្ទះ ព័ត៌មានជាតិ ផឹកជ្រុលពីល្ង...

ផឹកជ្រុលពីល្ងាច ស្រវឹងដួលចូលដេក ព្រឹកឡើងប្រពន្ធទៅដាស់ស្រាប់តែរឹងស្ដូក

0

ភ្នំពេញ: បុរសជាកម្មករសំណង់ម្នាក់ គាំងបេះដូងស្លាប់ ក្រោយពីផឹកស្រវឹង រហូតគ្រាចូលសម្រាន្ត ព្រឹកឡើងរឹងស្តូក ប្រពន្ធដាស់មិនងើប ទើបឆោឡោកាលពីវេលាម៉ោង ៧និង៣០នាទីព្រឹក ថ្ងៃទី០៣ ខែកញ្ញា ឆ្នាំ២០១៩ នៅបន្ទប់ជួលលេខ៣៣ ជាន់ទី៣ ផ្លូវបេតុង ក្រុម៣ ភូមិអង្គកែវ សង្កាត់ចោមចៅ៣ ខណ្ឌពោធិ៍សែនជ័យ។

សពមានឈ្មោះ ញៀម ចាន់ថា អាយុ៥៨ឆ្នាំ មុខរបរ កម្មករសំណង់ មានប្រពន្ធឈ្មោះ ម៉ា គា អាយុ៤២ឆ្នាំ មុខរបរ មើលកូន និងសម្អាតផ្ទះឲ្យគេ មានកូនស្រី១នាក់ ស្នាក់នៅបន្ទប់ជួលកន្លែងកើតហេតុ មានស្រុកកំណើត ភូមិតាម៉ិញ ឃុំមហាសាំង ស្រុកភ្នំស្រួច ខេត្តកំពង់ស្ពឺ។

តាមការបំភ្លឺពីក្រុមគ្រួសារ ញាតិជិខាង បានឲ្យដឹងថា កាលពីរសៀលថ្ងៃទី០២ ខែកញ្ញា ម្សិលមិញ ជនរងគ្រោះពិសារស្រា ជាមួយកម្មករដូចគ្នា ស្រវឹងចង់ជ្រុល ដើរដួល ៣លើកហើយ លុះដល់ល្ងាច ត្រូវបានញាតិជិតខាង ឃើញ សភាពមិនស្រួលខ្លួន ជួយកោសខ្យល់ឲ្យ ខណ:ដែលប្រពន្ធ កូន ជាប់រវល់ រហូតដល់យប់ ដេកសម្រាន្ត ក្នុងបន្ទប់ជាមួយប្រពន្ធកូនជាធម្មតា លុះដល់វេលាម៉ោង៦និង៣០នាទីព្រឹក ថ្ងៃទី០៣ នេះ ប្រពន្ធ កូនស្រី ចេញទៅ សម្អាតផ្ទះ មើលកូនឲ្យគេ ឃើញប្តីសម្រាន្ត ធម្មតា មិនហ៊ានដាស់ រហូតដល់វេលាម៉ោង៧និង៣០នាទី ព្រឹកដដែល ប្រពន្ធវិលវិញ ឡើងដល់បន្ទប់ នៅតែមិនឃើញប្តីងើប ក្រោកទៅធ្វើការ ដាស់ហៅ ទើបដឹងថា ពុទ្ធោ !ប្តីស្លាប់បាត់ទៅហើយ ទើបឆោឡោ រាយការណ៍ ប្រាប់សមត្ថកិច្ច ចុះទៅពិនិត្យជាក់ស្តែង ។

សាកសពជនរងគ្រោះ ត្រូវបានសមត្ថកិច្ច មូលដ្ឋាន ជំនាញ ពិនិត្យកោសល្យវិច័យ ឃើញថាស្លាប់ដោយគាំងបេះដូង រួចប្រគល់ជូនក្រុមគ្រួសារ ចាត់ចែងដឹកសពយក ទៅធ្វើបុណ្យតាមប្រពៃណីឯស្រុកកំណើត៕

Leave a Reply

This site uses Akismet to reduce spam. Learn how your comment data is processed.