ភ្នំពេញៈ ទំនាស់គ្រួសារ បុរសជាប្ដីខឹងប្រពន្ធនិយាយមិនស្ដាប់ ក៏ផ្ទុះកំហឹងយកភ្លើងមកដុតរទេះចោល បង្កឲ្យ ឲ្យប្រជាពលរដ្ឋដែលកំពុងអង្គុយកំសាន្ដ ក្បែរកំពង់ចម្លងភ្នំពេញ អរីយក្សត្រ ផ្អើលរត់បាតជើងសព្រាត ទុកជាការប្រមាន ហើយម្ចាស់រទះរត់គេចខ្លួនបាត់ស្រមោល កាលពីវេលាម៉ោង២និង០០នាទីរំលងអាធ្រាត្រ ឈានចូលថ្ងៃទី២២ ខែកក្កដា ឆ្នាំ២០១៦ នៅក្បែរកំពង់ចម្លងភ្នំពេញ អរីយក្សត្រ ស្ថិតក្នុងសង្កាត់ចតុមុខ ខណ្ឌដូនពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសជាប្ដីបានទាស់ពាក្យសម្ដីជាមួយប្រពន្ធយ៉ាងខ្លាំង រហូតដល់ប្រជាពលរដ្ឋផ្អើលឈរមើលហេតុការណ៍នោះ ដោយភាគីទាំងសងខាងប្រកែកគ្នាខ្លាំង ទៅវិញខ្លាំងទៅមកប្រមាណ១ម៉ោង បុរសជាប្ដីប្រកែកមិនឈ្នះប្រពន្ធ ក៏គុំរាមប្រពន្ធ ថានិងដុះរទេះលក់មីឆា និងប្រហិតចោលតែ ដោយប្រពន្ធមិនស្ដាប់នៅប្រកែកខ្លាំងឡើងៗ ប្រមាណជា ៣០នាទីក្រោយមក បុរសជាប្ដីក៏លួចមកដុះរទេះចោល បង្កឲ្យមានភាពភ្ញាក់ផ្អើលដល់ប្រជាពលរដ្ឋដែលកំពុងអង្គុយកំសាន្ដលេងនៅកន្លែងកើតហេតុ រត់បាតជើងសព្រាត ព្រោះនៅលើរទេះនោះមាន ធុងហ្គាសធំមួយនៅលើនោះ ហើយពុំមានប្រជាពលរដ្ឋណាម្នាក់ហ៊ានចូលទៅជួយពន្លត់អគ្គិភ័យនោះទេ ព្រោះខ្លាចធុងហ្គាសនោះផ្ទុះបង្កគ្រោះថ្នាក់ដល់ខ្លួន។
ខណៈអគ្គិភ័យនោះ កំពុងឆាបឆេះ ក៏មានបុរសម្នាក់ ក្នុងដៃកាន់បំពង់ពន្លត់អគ្គិភ័យមួយដើមចូលទៅពន្លត់ តែបានត្រឹមតែធ្វើឲ្យភ្លើងនោះបានស្ងប់បន្តិច បន្ទាប់មកភ្លើងនៅតែបន្ដឆេះធុងហ្គាសក៏បានផ្ទុះឧស្ម័ន ចេញមកបង្កជាអណ្ដាតភ្លើងចេញមកយ៉ាងសន្ធោសន្ធៅ បង្កឲ្យប្រជាពលរដ្ឋនៅកន្លែងកើតហេតុផ្អើលនាំគ្នារត់ ទាំងក្នុងចិត្តតក់ស្លុត បានត្រឹមតែរត់ពួនសម្លឹងមើលអគ្គិភ័យដែលកំពុងឆាបឆេះចេញអណ្ដាតភ្លើងយ៉ាងសន្ធោសន្ធៅ រហូតដល់ដល់ភ្លើងរត់អស់។
ក្រោយពេលកើតហេតុ ម្ចាស់រទេះដោយខ្លាចមានរឿង ក៏រត់គេចខ្លួនពីកន្លែងកើតហេតុបាត់ស្រមោល៕
មតិយោបល់