កំពង់ឆ្នាំង: កាលពីវេលាម៉ោង១៣ និង០០នាទីថ្ងៃទី១៣ ខែតុលា ឆ្នាំ២០១៩ នៅមុខផ្ទះឈ្មោះ អៀង ជុំ ភេទប្រុស ក្នុងភូមិកុយ ឃុំដារ ស្រុកកំពង់លែង មាន​ករណីគ្រោះថ្នាក់ចរាចរណ៍មួយ បង្កទ្បើងដោយខ្លួនឯង។

ជនរងគ្រោះឈ្មោះ ចឹក ភិន ភេទប្រុស អាយុ៦១ឆ្នាំ រស់នៅភូមិថ្នល់ ឃុំដារ ស្រុកកំពង់លែង ខេត្តកំពង់ឆ្នាំង។

ដំណើររឿង៖ នៅពេលកើតហេតុ គេឃើញម៉ូតូ១គ្រឿង ម៉ាកវីវ៉ា ពណ៌ខ្មៅ សណ្ដោងរ៉ឺម៉កពីក្រោយ ពាក់ស្លាកលេខ យ.5298ភ.ព1 ធ្វើដំណើរពីជើងទៅត្បូង មកដល់ចំណុចខាងលើ បានជ្រុលចង្កូតធ្លាក់ពីលើផ្លូវ ដួលតែម្នាក់ឯង បណ្ដាលឲ្យស្លាប់តែម្ដង។

សពជនរងគ្រោះ ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕