ព្រះសីហនុៈ គិតត្រឹមព្រឹកថ្ងៃ២៨ ខែមករា ឆ្នាំ២០២០នេះ បុរសជនជាតិចិនវ័យ ៦០ឆ្នាំ ដែលមានផ្ទុកវីរុសរលាកសួតថ្មី មានសភាពធម្មតា មិនមានចេញអាការអ្វីធ្ងន់ធ្ងរ ឈានដល់ការសង្គ្រោះបន្ទាន់ឡើយ។

មកទល់ពេលនេះ អ្នកជំងឺ កំពុងសម្រាកព្យាបាល នៅមន្ទីរពេទ្យបង្អែកខេត្តព្រះសីហនុ (ពេទ្យចំការចេក) ដោយក្រុមគ្រូពេទ្យ បានដាក់ជនរងគ្រោះ ក្នុងបន្ទប់មួយដាច់ដោយឡែកតែម្នាក់ឯង មិនដាក់លាយជាមួយអ្នកជំងឺផ្សេងទៀតនោះទេ។

សូមបញ្ជាក់៖ ជនរងគ្រោះ កំពុងស្ថិតក្នុងការត្រួតពិនិត្យ តាមដានយ៉ាងយកចិត្តទុកដាក់ពីពេទ្យជំនាញ៕