ផ្ទះ ព័ត៌មានជាតិ អ្នកបើកយន្តហោ...

អ្នកបើកយន្តហោះជនជាតិតៃវ៉ាន់ម្នាក់ ត្រូវជនជាតិចិន ៣នាក់ វ៉ៃបណ្ដាលឲ្យរងរបួសធ្ងន់

0

សៀមរាប: កម្លាំង​ការិយាល័យ​ស៊ើបអង្កេត​និង​អនុវត្ត​នីតិវិធី​ បានធ្វើការ​ស្រាវជ្រាវ​ឈានទៅ​ឃាត់ខ្លួន​ជនបរទេស​ចំនួន ០៣​នាក់ (​ស្រី​០១​នាក់​) ពាក់ព័ន្ធ​នឹង​ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស នា​វេលា​ម៉ោង​ ៨​និង​១០​នាទី​ថ្ងៃទី​២១ ខែកុម្ភ: ឆ្នាំ​២០២០។​

​ជនសង្ស័យ​ទាំង​បីនាក់​មានឈ្មោះ៖
១-CHEN XIANGKE ភេទ​ប្រុស អាយុ ​២៦​ឆ្នាំ ជនជាតិ ចិន មុខរបរ​អ្នក​សម្តែង​ក្បាច់គុណ ស្នាក់នៅ​ភូមិគ្រឹះ Passport ភូមិ​ស្ទឹង​ថ្មី សង្កាត់​ស្វាយដង្គំ ក្រុង​/​ខេត្តសៀមរាប​។​
២-TANG HUAQI ភេទ​ប្រុស អាយុ ​២៥​ឆ្នាំ ជនជាតិ​ចិន មុខរបរ អ្នក​សម្តែង​ក្បាច់គុណ ស្នាក់នៅ​ភូមិគ្រឹះ Passport ភូមិ​ស្ទឹង​ថ្មី សង្កាត់ស្វាយដង្គំ ក្រុង​/​ខេត្តសៀមរាប​។​
៣-GUO JING ភេទ​ស្រី អាយុ ​២៣​ឆ្នាំ ជនជាតិ​ចិន មុខរបរ​បុគ្គលិក​ក្រុមហ៊ុន LANMEI ស្នាក់នៅ​ភូមិគ្រឹះ SKY ភូមិ​វិហារ​ចិន សង្កាត់​ស្វាយដង្គំ ក្រុង​/​ខេត្តសៀមរាប​។​
​ជនរងគ្រោះ​ឈ្មោះ CHANG CHIA HSUN ភេទ​ប្រុស អាយុ​៣០​ឆ្នាំ ជនជាតិ ចិនតៃវ៉ាន់ មុខរបរ អ្នកបើក​យន្តហោះ ស្នាក់នៅ ភូមិ​ត្រពាំង​សេះ សង្កាត់​គោកចក ក្រុង​/​ខេត្តសៀមរាប​។​

ដំណើររឿង៖ នៅវេលា​ម៉ោង​ប្រហែល​ ៣​និង​១០​នាទី​ទៀបភ្លឺឈានចូល ថ្ងៃទី​២១ ខែកុម្ភ: ឆ្នាំ​២០២០ ជនសង្ស័យ​ទាំង​បីនាក់​បានធ្វើ​សកម្មភាព​វាយ​ទៅលើ​ជនរងគ្រោះ​ជាច្រើន​ដៃ​និង​ទាត់​ទៅមុខ​ជនរងគ្រោះ​ បណ្តាល​ឲ្យ​បែក​មាត់​ហូរឈាម និង​បាក់ធ្មេញ​ចំនួន ០២ ហើយ​គេចខ្លួនបាត់ ។​
​ក្រោយពី​ទទួល​បណ្តឹង​ពីជនរងគ្រោះ សមត្ថកិច្ច​បាន​ចុះ​ស្រាវជ្រាវ និង​នាំខ្លួន​ជនសង្ស័យ​ទាំងបី​នាក់ បញ្ជូនមក​សាកសួរ​នៅ​ការិយាល័យ​។​

​បច្ចុប្បន្ន ជនបរទេស​ទាំងបី​នាក់​ខាងលើនេះ ត្រូវព្រះរាជអាជ្ញា​អម​សាលាដំបូង​ខេត្តសៀមរាប សម្រេច​ឲ្យ​ឃាត់ខ្លួន​បណ្តោះអាសន្ន​នៅ​ស្នងការដ្ឋាន​នគរបាល​ខេត្តសៀមរាប ដើម្បី​រៀបចំ​កសាង​សំណុំរឿង​ បញ្ជូនទៅ​សាលាដំបូង​ខេត្ត​ ចាត់ការ​បន្ត​តាម​នីតិវិធី​ច្បាប់ ៕

មតិយោបល់