ព្រះសីហនុ ៈ យោងតាមផេករបស់ការផ្សព្វផ្សាយតាមបណ្តាញសង្គមបានឲ្យដឹងថា ថ្ងៃទី១៩ ខែមេសា ឆ្នាំ២០២០ វេលាម៉ោង៣និង៣០នាទីកម្លាំងជំនាញការិយាល័យ នគរបាលប្រឆាំងគ្រឿងញៀន បានបង្រ្កាបករណីគ្រឿងញៀន ស្ថិតនៅចំណុចក្រុម១៧ ភូមិ១សង្កាត់លេខ៤ ក្រុង/ខេត្តព្រះសីហនុ នៅពេលដែលមុខសញ្ញាប្រព្រឹត្តបទល្មើស ជាក់ស្តែងត្រូវបានសមត្ថកិច្ចយើងឃាត់ខ្លួនជនសង្ស័យបាន០១នាក់ ឈ្មោះពេជ្រ ដារ័ត្ន ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ ស្រុកកំណើតសង្កាត់លេខ៤ ខណ្ឌមិត្តភាព ក្រុងព្រះសីហនុ អត្តសញ្ញាណប័ណ្ណៈគ្មាន កម្រិតវប្បធម៌ថ្នាក់ទី១២ ទីលំនៅបច្ចុប្បន្នក្រុង១៧ ភូមិ១សង្កាត់លេខ៤ក្រុង/ខេត្តព្រះសីហនុ។

វត្ថុតាងនិងសម្ភារៈចាប់យករួមមានៈ

ម្សៅក្រាមសថ្លាសង្ស័យជាសារធាតុញៀនចំនួន០៩កញ្ចប់ប្រភេទថ្នាំគ្រាប់សង្ស័យជាសារធាតុញៀនចំនួន០៣បំណែកតូចៗទូរស័ព្ទដៃ០១គ្រឿង ជញ្ជីងសម្រាប់ថ្លឹងគ្រឿងញៀន០១គ្រឿង និងសម្ភារះប្រើប្រាស់និងវេចខ្ចប់គ្រឿងញៀនមួយចំនួន៕