ព្រះសីហនុៈ (ព័ត៌មានបឋម) នៅវេលាម៉ោង ៥ និង១៥នាទីព្រឹកថ្ងៃទី១១ ខែមិថុនា ឆ្នាំ២០២០ ម្ដុំអូរត្រេះ២ ក្នុងសង្កាត់លេខ៤ ក្រុងព្រះសីហនុ មានអគ្គិភ័យឆាបឆេះតូប សម្រាប់ជួលស្នាក់នៅ និងភោជនីយដ្ឋាន ២កន្លែង ជាប់គ្នា ធ្វើពីឈើប្រក់ស្បូវ សរុបអស់ចំនួន២៧ តូប និងភោជនីយដ្ឋាន១កន្លែង។

មូលហេតុ៖ ឆ្លងចរន្តអគ្គិសនី។

ការខូចខាតរួមមាន៖
-ទីតាំងទី១ ម្ចាស់ឈ្មោះ ហ្វូតព្រីន មាន១៤តូប និង ភោជនីយដ្ឋាន១ រួមនិងសម្ភារៈខូចខាតទាំងស្រុង។
-ទីតាំងទី ២ ម្ចាស់ឈ្មោះ បា ណាណា មាន១៣តូប រួមនិងសម្ភារខូចខា ទាំងស្រុង។

ករណីនេះ បានរលត់ទៅវិញនៅវេលាម៉ោងជា ៦ព្រឹកថ្ងៃដដែល ក្រោយអន្តរាគមន៍ពីរថយន្តពន្លត់អគ្គិភ័យជាច្រើនគ្រឿង របស់នគរបាល និងកងរាជអាវុធហត្ថ។

សូមបញ្ជាក់៖ ហេតុការណ៍នេះ មិនបណ្តាលឲ្យមានមនុស្សរងរបួសនោះទេ៕