កំពង់ឆ្នាំងៈ នៅវេលាម៉ោង ៨និង២៥នាទីព្រឹកថ្ងៃទី១៣ ខែកក្កដា ឆ្នាំ២០២០ លើផ្លូវជាតិលេខ51C តភ្ជាប់ពីខេត្ត កំពង់ឆ្នាំង ទៅខេត្តកំពង់ធំ ត្រង់ចំណុចអូរធំ ស្ថិតក្នុងភូមិកង្កែប ឃុំច្រណូក ស្រុកកំពង់លែង មានករណីសត្វគោមួយហ្វូងចំនួន ៨ក្បាល ត្រូវរថយន្តកែឆ្នៃបើកបុកងាប់។

ដំណើររឿង៖ រថយន្ដកែឆ្នៃ ១គ្រឿង គ្មានផ្លាកលេខ បើកបរក្នុងទិសដៅពីខេត្តកំពង់ធំ មកស្រុកកំពង់លែង ខេត្តកំពង់ឆ្នាំង លុះពេលមកដល់ចំណុចកើតហេតុ អ្នកបើកបររថយន្តកែច្នៃបានបើកគេចជង្ហុក ហើយក៏ជ្រុលទៅបុកគោមួយហ្វូង ខណៈដែលម្ចាស់កំពុងដេញ ទៅវាល ដើម្បីឲ្យស៊ីស្មៅ បណ្តាលឲ្យសត្វគោ ៨ក្បាល បានងាប់នៅនឹងកន្លែង។

សូមបញ្ជាក់៖ ក្រោយពេលកើតហេតុអ្នកបើកបរ រថយន្តកែឆ្នៃ បានចុះរត់គេចខ្លួនបាត់ ៕