ផ្ទះ ព័ត៌មានជាតិ Update៖ សមត្ថ...

Update៖ សមត្ថកិច្ចឃាត់ខ្លួនជនជាតិចិន ៤នាក់ សង្ស័យករណីចាប់ជំរិត ក្រោយប្រទះឃើញស្ត្រីម្នាក់ យកភួយចងសម្រូតចុះពីបន្ទប់ជាន់ទី៥

0

ភ្នំពេញ: នៅវេលាម៉ោង ១០និង៥៥នាទីព្រឹកថ្ងៃទី១១ ខែសីហា ឆ្នាំ២០២០ ស្ថិតតាមបណ្តោយផ្លូវ១៧៤ ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ មានពលរដ្ឋប្រទះឃើញស្ត្រីជនជាតិចិនម្នាក់ យកភួយចងសម្រូតចុះពីបន្ទប់ជាន់ទី៥ ចំណុចសណ្ឋាគារ Rumduol Grand Hotel សង្ស័យជាករណីចាប់ជំរិត ។

សូមបញ្ជាក់៖ យោងតាមប្រភពព័ត៌មានបានឲ្យដឹងថា កាលពីវេលាម៉ោង ៥និង៣៥នាទីទៀបភ្លឺឈានចូលថ្ងៃទី១១ ខែសីហា ឆ្នាំ២០២០
គេឃើញស្ត្រីខាងលើ និងបុរសជនជាតិចិន ២នាក់ទៀត នាំស្ត្រីជនជាតិចិនចូលក្នុងសណ្ឋាគារកើតហេតុ ដោយមានការទាញប្រតាយប្រតប់គ្នា ហើយបាននាំចូលមកក្នុងសណ្ឋាគារតែម្តង។ ស្រាប់តែនៅវេលាម៉ោង ១០និង៥៥នាទីព្រឹកថ្ងៃដដែល មិនដឹងមានអ្វីកើតឡើងទេ បានជាគេឃើញស្រ្តីនោះ យកភួយចងសម្រូតចុះពីបន្ទប់ជាន់ទី៥ នៃសណ្ឋាគារ Rumduol Grand Hote គេចខ្លួន ចៃដន្យរបូតធ្លាក់រងរបួសធ្ងន់។

ករណីនេះ ក្រោយពេលកើតហេតុ កម្លាំងសមត្ថកិច្ចប៉ុស្តិ៍ផ្សារថ្មីទី៣ បានចុះមកដល់កន្លែងទីតាំងកើតហេតុ និងបានធ្វើការឃាត់ខ្លួនជនជាតិចិនចំនួន ៤នាក់ យកមកប៉ុស្តិ៍នគរបាលផ្សារថ្មីទី៣ ដើម្បីធ្វើការសួរនាំចាត់ការទៅតាមនីតិវិធីច្បាប់៕

មតិយោបល់