ព័ត៌មានជាតិ

ជើងខ្លាំងវ៉ៃប្រពន្ធនៅស្រុកសង្កែ ត្រូវសមត្ថកិច្ចឃាត់ខ្លួនបានហើយ

បាត់ដំបង: អំពើហិង្សាក្នុងគ្រួសារប្ដីវ៉ៃប្រពន្ធព្រោះតែជម្លោះរឿងប្រពន្ធបានលក់ដីអណ្ដូងទឹកដែលមានទំហំ ៥×៨ម៉ែត្រ ឲ្យបងប្អូនក្នុងតម្លៃ៥០ម៉ឺនរៀល ពេលប្ដីដឹងរឿងនេះប្ដីខឹងប្រពន្ធយ៉ាងខ្លាំងបង្កើតជាអំពើហិង្សា។

ករណីអំពើហិង្សានេះកើតឡើងកាលពីវេលាម៉ោង ៥និង២៨នាទីល្ងាច ថ្ងៃទី២០ ខែសីហា ឆ្នាំ២០២០ នៅក្នុងភូមិស្វាយធំ ឃុំអូរដំបង២ ស្រុកសង្កែ ខេត្តបាត់ដំបង។

ក្រោយពីទទួលបានព័ត៌មានបែកធ្លាយវីដេអូឃ្លីបប្រើអំពើហិង្សាដែលប្អូនថ្លៃបានបង្ហោះនៅលើបណ្ដាញសង្គមហ្វេសប៊ុក នាថ្ងៃទី២២ ខែសីហា ឆ្នាំ២០២០នេះ អធិការស្រុកសង្កែបានបញ្ជាកម្លាំងឲ្យចុះទៅនាំខ្លួនបុគ្គលប្រើអំពើហិង្សានេះមកធ្វើការសាកសួរនៅអធិការស្រុកសង្កែ ។

តាមសំណូមពររបស់ប្រពន្ធបានស្នើឲ្យសមត្ថកិច្ចស្រុកសង្កែ អប់រំប្ដីរបស់ខ្លួន និងនាំយកទៅដាក់មណ្ឌលអប់រំកែប្រែ ដើម្បីបន្សាបសារជាតិញៀន ៕

មតិយោបល់