បន្ទាយមានជ័យ: យោងតាមផេករបស់អគ្គស្នងការដ្ឋាននគរបាលជាតិបានឲ្យដឹងថា នគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបន្ទាយមានជ័យបានរៀបចំសំណុំរឿងបញ្ជូនខ្លួនជនសង្ស័យម្នាក់ពីបទលួចគាស់ទម្លុះទម្លាយយកម៉ូតូទៅសាលាដំបូងខេត្តដើម្បីអនុវត្តតាមនីតិវិធីនៅថ្ងៃទី២៥ខែធ្នូឆ្នាំ២០២០។
លោកវរសេនីយ៍ទោព្រហ្មប៊ុនធឿននាយការិយាល័យនគរបាលព្រហ្មទណ្ឌកម្រិតស្រាលបានឲ្យដឹងថា៖ក្រោយពីទទួលបណ្តឹងពីជនរងគ្រោះឈ្មោះឆេងសុងភេទប្រុសអាយុ៤៦ឆ្នាំនៅភូមិ១សង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យថាក្រោយពីក្រោកពីដេកដឹងថាបាត់ម៉ូតូខ្លួនបានមើលវីដេអូសុវត្ថិភាពដឹងថានៅវេលាម៉ោង០១រំលងអធ្រាត្រឈានចូលថ្ងៃទី២៣ខែធ្នូឆ្នាំ២០២០មានជនសង្ស័យម្នាក់បានចូលក្នុងរបងផ្ទះធ្វើសកម្មគាស់ទ្វាររបងលួចយកម៉ូតូ០១គ្រឿងម៉ាកហុងដាខាប់ពណ៌បាញ់ឌុកគ្មានស្លាកលេខ។
លោកនាយការិយាល័យបានបន្តថា៖ដោយអនុវត្តតាមបទបញ្ជារបស់លោកឧត្តមសេនីយ៍សិទ្ធិឡោះស្នងការនគរបាលខេត្តបន្ទាយមានជ័យនិងដោយមានការសម្របសម្រួលពីឯកកឧត្តមមាសច័ន្ទពិសិដ្ឋព្រះរាជអាជ្ញាអមសាលាដំបូងខេត្តបន្ទាយមានជ័យព្រមទាំងមានការដឹកនាំបញ្ជាផ្ទាល់របស់លោកឧត្តមសេនីយ៍ត្រីនូជីវ័ន្តស្នងការរងទទួលផែនការងារព្រហ្មទណ្ឌកម្លាំងនគរបាលជំនាញបានបើកការស៊ើបអង្កេតស្រាវជ្រាវឈានដល់ចាប់ឃាត់ខ្លួនជនសង្ស័យម្នាក់នៅវេលាម៉ោង០៨និងយប់ថ្ងៃទី២៤ខែធ្នូឆ្នាំ២០២០ឈ្មោះឈួតផល្លីភេទប្រុសអាយុ១៩ឆ្នាំរស់នៅភូមិនិមិត្តថ្មីសង្ការ់និមិត្តក្រុងប៉ោយប៉ែតខេត្តបន្ទាយមានជ័យរួមជាមួយនឹងវត្ថុតាងម៉ូតូ០១គ្រឿងដែលជនសង្ស័យបានលួចនោះផងដែរ។
លោកវរសេនីយ៍ទោព្រហ្មប៊ុនធឿនបានបញ្ជាក់បន្ថែមថា៖នៅចំពោះមុខសមត្ថកិច្ចជនសង្ស័យឈ្មោះឈួតផល្លីបានសារភាពថាខ្លួនពិតជាបានចូលលួចយកម៉ូតូ០១គ្រឿងនេះប្រាកដមែនខណ:ដែលខ្លួនបានដើរទៅឃើញម៉ូតូទុកនៅក្នុងរបងផ្ទះមានសោនៅនឹងម៉ូតូស្រាប់គេក៏ឡើងចូលក្នុងរបងផ្ទះរួចក៏គាស់ទ្វាររបងយកម៉ូតូជិះចេញមកទៅផ្ទះនៅឯភូមិនិមិត្តហើយនៅយប់ថ្ងៃទី២៤ខែធ្នូឆ្នាំ២០២០ខ្លួនបានជិ:ម៉ូតូនេះមកលេងវេទិកាខេត្តក៏ត្រូវបាននគរបាលចាប់ឃាត់ខ្លួនតែម្តង។
ដោយផ្អែកទៅលើចម្លើយសារភាពរបស់របស់ជនសង្ស័យនិងមានវត្ថុតាងជាក់ស្តែងកម្លាំងនគរបាលជំនាញព្រហ្មទណ្ឌកម្រិតស្រាលបានរៀបចំសំណុំរឿងបញ្ជូនខ្លួនជនសង្ស័យទៅសាលាដំបូងខេត្តដើម្បីចាត់ការតាមច្បាប់។ចំណែកម៉ូតូបានធ្វើការប្រគល់ជូនម្ចាស់ដើមវិញផងដែរ៕