ផ្ទះ ព័ត៌មានជាតិ ជនសង្ស័យលួចរថ...

ជនសង្ស័យលួចរថ​យន្ត BMW​ X5​ របស់កូនប្រុសអគ្គ​នាយករង​ នៃ​អគ្គនាយកដ្ឋាន​អត្តសញ្ញាណ​កម្ម ពេលនេះ អស់លក្ខណ៍ ត្រូវសមត្ថកិច្ច ប្រមាញ់ជាប់

0

កំពង់ចាម: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ​​នៅ​វេលា​ម៉ោង​១១​និង​៥០​នាទី​ ថ្ងៃ​ទី​១៣​ ខែកុម្ភ:​ ឆ្នាំ​២០២១​ បន្ទាប់​ពី​លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្ត​ កំពង់ចាម​ បាន​ទទួល​ពាក្យបណ្ដឹង​ផ្ទាល់​ពី​មាត់​ពី​លោក គង់​ វុ​ទ្ធី​ អគ្គ​ នាយករង​ នៃ​អគ្គនាយកដ្ឋាន​អត្តសញ្ញាណ​កម្ម​ ថា​ មាន​ករណី​ចោរកម្ម​លួច​រថយន្ដ​កូនប្រុស​របស់​លោក​ ម៉ាក​BMW​ X5​ ពាក់​ផ្លាក​លេខ​ 2AQ-1944​ និង​ឯកសារ​ពាក់ព័ន្ធ​ លួច​ចេញពី​ភ្នំពេញ​ឆ្ពោះ​ឆ្លងកាត់​មក​ខេត្តកំពង់ចាម​ ។​

​លោក​ឧត្តមសេនីយ៍ទោ​ស្នងការ​ បាន​ចាត់​បញ្ជា​ឲ្យ​កម្លាំង​អន្តរាគមន៍​ កម្លាំង​ ជំនាញ​ព្រហ្មទណ្ឌ​ កម្លាំង​ជំនាញ​នគរបាល​ចរាចរណ៍​ផ្លូវគោក​ សហការ​ ជាមួយ​កម្លាំង​អធិការដ្ឋាន​នគរបាល​ស្រុក​ កម្លាំង​ប៉ុស្តិ៍​នគរបាល​រដ្ឋបាល​ ចេញ​ប្រតិបត្តិការ​ ពិនិត្យ​ និង​ឃាត់​ លើ​អត្ដសញ្ញាណ​រថយន្ដ​ដែល​បាន​បាត់​នោះ​ ។​

​រហូត​មក​ដល់​ ម៉ោង​១២​និង​៣០​នាទី​ កម្លាំង​នគរបាល​ចរាចរណ៍​ផ្លូវគោក​ និង​កម្លាំង​អធិការដ្ឋាន​នគរបាល​ស្រុក​បា​ធា​យ​ ដែល​កំពុង​ ឈរជើង​នៅ​ចំណុច​គោលដៅ​ភូមិ​បា​ធា​យ​ ស្រុក​បា​ធា​យ​ ក៏​ប្រទះ​ឃើញ​រថយន្ត​មាន​អត្ដសញ្ញាណ​ដូច​ខាងលើ​ ដោយ​បើកបរ​ក្នុង​ល្បឿន​លឿន​មិន​បាន​ឈប់​តាម​បញ្ជា​របស់​មន្ត្រី​ចរាចរណ៍​ ហើយ​កម្លាំង​ជំនាញ​បាន​ដេញ​តាម​ រហូត​មក​ដល់​ចំណុច​ភូមិ​ តា​សែន​ ឃុំ​សូ​ទិព្វ​ ស្រុក​ជើងព្រៃ​ ត្រូវ​ បាន​កម្លាំង​ជំនាញ​ឃាត់​រថយន្ដ​បាន​០១​គ្រឿង​ (​រថយន្ត​ មាន​អត្តសញ្ញាណ​ខាងលើ​)​ និង​ជន​ស​ង្យ័​យ​០១​នាក់​ ដែល​មានឈ្មោះ​ មេ​ត​ សុខ​ណា​ក់​ ភេទ​ប្រុស​ អាយុ​៣៣​ឆ្នាំ​ មុខរបរ​សន្តិសុខ​ មាន​ទីលំនៅ​ភូមិ​កំពង់​គោ​ ឃុំ​កំពង់​គោ​ ស្រុក​ព្រៃ​ប្រសព្វ​ ខេត្តក្រចេះ​ ។​

​ដោយ​មាន​ឯកភាព​ពី​លោក​ សាន​ សុភ:​ ព្រះរាជអាជ្ញា​រង​ សមត្ថកិច្ច​បាន​ នាំ​យក​ជនសង្ស័យ​ និង​រថយន្ដ​មក​កាន់​អធិការដ្ឋាន​នគរបាល​ស្រុក​ជើងព្រៃ​ ដើម្បី​ ធ្វើការ​សាកសួរ​ និង​កសាង​សំណុំរឿង​តាម​នីតិវិធី​ ។​ ដោយ​ក្នុង​នោះ​កម្លាំង​ជំនាញ​ការិយាល័យ​ព្រហ្មទណ្ឌ​ និង​កម្លាំង​ជំនាញ​ការិយាល័យ​ប្រឆាំង​គ្រឿងញៀន​ ក៏​បាន​និង​កំពុង​សាកសួរ​ និង​ពិនិត្យ​រក​សារធាតុ​ញៀន​ផង​ដែរ​ ៕

មតិយោបល់