បន្ទាយមានជ័យៈ យោងតាមផេករបស់ អគ្គ. ការពារអ្នកប្រប្រើប្រាស់ កិច្ចការប្រគួតប្រជែង និងបង្រ្កាបការក្លែងបន្លំ CCF បានឲ្យដឹងថា នៅថ្ងៃទី០១ ខែមីនា ឆ្នាំ២០២១ មន្រ្តីសាខា ក.ប.ប. ខេត្តបន្ទាយមានជ័យ ដោយមានការសហការពីមន្ត្រីមន្ទីរពាណិជ្ជកម្មខេត្ត បានចុះត្រួតពិនិត្យផលិតផលទំនិញ និងម្ហូបអាហារ តាមបណ្តាម៉ាត និងគេហដ្ឋានលក់ទំនិញ នៅផ្សារទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ក្នុងសកម្មភាពនេះ មន្ត្រីជំនាញបានធ្វើវិភាគបឋមទៅលើគំរូម្ហូបអាហារមួយចំនួន ដើម្បីស្វែងរកសារធាតុគីមីហាមឃាត់ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ ។ ជាមួយគ្នានោះ មន្ត្រីជំនាញបានធ្វើការត្រួតពិនិត្យរកភាពមិនអនុលោមនៅលើសម្បកវេចខ្ចប់ផលិតផលម្ហូបអាហារផងដែរ ។
ជាលទ្ធផល មន្ត្រីជំនាញបានរកឃើញ ទំនិញហួសកាលបរិច្ឆេទប្រើប្រាស់មួយចំនួន
-កាហ្វេ ចំនួន ១៨កំប៉ុង ស្មើ ៣.២៤គីឡូក្រាម
-ទឹកដោះគោ ចំនួន ៤៤ប្រអប់ ស្មើ ៣.៩៦គីឡូក្រាម
-កូកាកូឡា ដបតូច ចំនួន ៦ដប ស្មើ ៣.៦០គីឡូក្រាម
-មីកំប៉ុង ចំនួន ៦៥កំប៉ុង ស្មើ ៣.៩០គីឡូក្រាម
-មីកញ្ចប់ ចំនួន ៩៦កញ្ចប់ ស្មើ ៥.២៨គីឡូក្រាម
-ម្សៅស៊ុប ចំនួន ៨គីឡូក្រាម
-ទឹកដោះគោខាប់ ចំនួន ១២កំប៉ុង ស្មើ ៤.៤៣គីឡូក្រាម
-ទឹកម្ទេស ចំនួន ១០ដប ស្មើ ៣.៣០គីឡូក្រាម
-ទឹកក្រូចដបធំ ចំនួន ២៦៨ដប ស្មើ ៣២.៤៤គីឡូក្រាម
-ភេសជ្ជៈដប ចំនួន ៥៣ដប ស្មើ ២៥.៤៤គីឡូក្រាម
-ភេសជ្ជៈកំប៉ុង ចំនួន ១២កំប៉ុង ស្មើ ៣គីឡូក្រាម
សរុប ៩៧គីឡូក្រាម។

បន្ទាប់មក មន្ត្រីជំនាញបានធ្វើកំណត់ហេតុដកហូត ទំនិញទាំងនោះយកទៅរក្សាទុក ដើម្បីធ្វើការដុតកម្ទេចចោលនៅពេលក្រោយ។ ទន្ទឹមនឹងនោះមន្ត្រីជំនាញក៏បានធ្វើការណែនាំដល់អាជីវករផ្សេងទៀត ឱ្យយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ព្រមទាំងច្បាប់ស្តីពីកិច្ចការពារអ្នកប្រើប្រាស់ ជៀសវាងបង្កផលប៉ះពាល់ដល់សុខភាពប្រជាពលរដ្ឋ និងអាចប្រឈមចំពោះមុខច្បាប់ថែមទៀត៕