កែបៈ កាលពីវេលាម៉ោង ០៦និង៣៥នាទីព្រឹក ថ្ងៃទី២៨ ខែមិថុនា ឆ្នាំ២០២១ មានករណីគ្រោះថ្នាក់ចរាចរណ៍មួយកើតឡើង រវាងម៉ូតូ និង ម៉ូតូ បើកបរស្របទិសគ្នាពីលិចទៅកើត នៅលើផ្លូវជាតិលេខ៣៣ ចំណុចមុខស្ថានីយ៍ប្រេងឥនន្ទ: សូគីម៉ិចចន្លោះបង្គោលគីឡូម៉ែត្រលេខ២៦-២៧ ស្ថិតក្នុងភូមិរនេស ឃុំពងទឹក ស្រុកដំណាក់ចង្អើរ ខេត្តកែប ។

ម៉ូតូម៉ាក ហុងដា ពណ៌ខ្មៅ ពាក់ផ្លាកលេខភ្នំពេញ 1AW-5841 បើកបរពីលិចទៅកើតដោយ ឈ្មោះ ពេជ្រ រតនា ភេទប្រុស អាយុ ២២ឆ្នាំ ទីលំនៅបច្ចុប្បន្ននៅភូមិកំពង់ត្នោត ឃុំកូនសត្វ ស្រុកទឹកឈូ ខេត្តកំពត (រងរបួសស្រាល )។
ម៉ូតូម៉ាក សង់កូរ៉េ ពណ៌ក្រហម ពាក់ស្លាកលេខកំពត 1J-5693 បើកបរដោយឈ្មោះម៉េង តូង ភេទ ប្រុស អាយុ ៦០ ឆ្នាំ មុខរបរ កសិករ ទីលំនៅបច្ចុប្បន្នភូមិ អូរដូង ឃុំពងទឹក ស្រុកដំណាក់ចង្អើរ ខេត្តកែប (បានស្លាប់នៅកន្លែងកើតហេតុ) ។

មូលហេតុ៖ ម៉ូតូសង់កូរ៉េ បទឆ្វេងឆ្លងថ្នល់ខ្វះការប្រុងប្រយ័ត្ន បណ្តាលអោយម៉ូតូម៉ាកហុងដាC១២៥ បុកពីក្រោយ។

វត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកដំណាក់ចង្អើរ ចំណែកសពជនរងគ្រោះ ត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕