ប៉េកាំង៖ រដ្ឋាភិបាលចិន បានតែងតាំងឯកអគ្គរដ្ឋទូតថ្មីប្រចាំប្រទេសកូរ៉េខាងជើង ដែលនេះជាទំនាក់ទំនងការទូតដ៏សំខាន់ និងជាផ្នែកមួយ នៃកិច្ចខិតខំប្រឹងប្រែង ដើម្បីជំរុញឲ្យប្រទេសដែលផ្តាច់ខ្លួន ចេញពីពិភពលោកមួយនេះ បញ្ចប់មហិច្ឆតាក្នុងការពង្រីកអាវុធនុយក្លេអ៊ែរ។ នេះបើយោងតាម Reuters ចេញផ្សាយនៅថ្ងៃទី១៩ ខែមីនានេះ។
រដ្ឋមន្ត្រីការបរទេសចិន បាននិយាយថា លោក Li Jinjun ត្រូវបានតែងតាំងជាឯកអគ្គរដ្ឋទូតថ្មីជំនួសឲ្យលោក Liu Hongcai ដែលកាលពីមុនលោក Li អតីតជាអនុប្រធាននាយកដ្ឋានអន្តរជាតិ នៃបក្សកុម្មុយនីស ដោយឡែក លោក Liu ត្រូវបានបញ្ជូនត្រឡប់មកកាន់តំណែងនៅនាយកដ្ឋានជំនួសលោក Li វិញ។
គួរបញ្ជាក់ផងដែរថា ចិនគឺជាប្រទេសតែមួយគត់ ដែលមានទំនាក់ទំនងជិតស្និទ្ធបំផុតជាមួយប្រទេសផ្ដាច់ការកូរ៉េខាងជើង ទាំងទំនាក់ទំនងការទូត ទាំងសេដ្ឋកិច្ច៕
មតិយោបល់